E moshuara dyshonte se i biri kishte vdekur nga tërmeti, shpërthen në lot pasi i dëgjon zërin: Është njësoj sikur të më kenë dhënë botën

Një ushtar turk u ngjit në kovën e një ekskavatori të shtunën për të kontrolluar një shtëpi të dëmtuar nga tërmeti në Antakia për një telefon celular që i përkiste një gruaje 75-vjeçare, e cila kishte frikë se djali i saj kishte vdekur pas pesë ditësh pa kontakt.

Gruaja, e quajtur Mama Busra, u kishte kërkuar punonjësve të ndihmës që të gjenin telefonin e saj dhe po priste të thërriste djalin e saj në një park aty pranë ku ishin ngritur tenda për ata që mbetën të pastrehë nga tërmeti shkatërrues i javës së kaluar.

Duke iu përgjigjur kërkesës së saj, një prej ushtarëve u ngjit në ndërtesë dhe gjeti telefonin e saj që i kishte rënë bateria. Një prej personave të pranishëm tha se e njihte djalin e të moshaurës dhe e telefonoi. Pasi ai u përgjigj në telefon e moshuara shpërtheu në lot dhe tha se tashmë ndihej sikur i kishin falur të gjithë botën.

“Është sikur më kanë dhënë botën”, tha Mama Busra për momentin kur dëgjoi zërin e të birit.

Lajmi kryesor:

Tërmeti tragjik në Turqi e Siri, 34 mijë viktima! Lëshohen 113 urdhër-arreste për ndërtesat e shembura, 12 të arrestuar

B.V/Shqiptarja.com

TAG:
• termet i fuqishem ne turqi
• turqi