POP 5

Lajmet më të lexuara të 5 minutave të fundit

Sport

E mposhti me Napolin, Allegri i kërkon llogari! Spaletti: Njëherë që fitoj unë mos më bëj moral

Fitorja me përmbysje e Napolit kundër Juventusit ka nxehur Allegrin që në përfundim të ndeshjes ka patur një debat me Spaletin. Ndërkohë Atalanta e Gjimshitit është mposhtur nga Fiorentina, ndërsa në Premier League Chelsea nuk e ka diskutuar fitoren kundër Aston Vilës.

Juventus është mposhtur për herë të dytë brenda 3 javëve kampionat. Në supersfidën kundër Napolit ‘zonja e vjetër’ është përmbysur me shifrat 2-1 në një sfidë ku kishte 8 mungesa për shkak të futbollistëve latin që u rikthyen vonë nga kombëtaret.

Në stadiumin ‘Diego Armando Maradona’ të besuarit e Allegri-t shënuan të parët me Morata-n në minutën e 10 pas një gafe të Manolas. Nga ky moment Napoli mori kontrollin e lojës dhe pas dominimit barazuan vetëm në minutën e 57 me Politanon. Për të përmbysur shifrat mendoi Kulibali i ndihmuar edhe nga Moise Kean. Kjo disfatë e zhyt Juventusin në vendet e fundit me vetëm 1 pikë në 3 javë kampionat, ndërsa Napoli momentalisht udhëheq Seria A me pikë të plota. Fitorja e të kaltërve ka acaruar Allegrin, që ka shkuar t’i kërkojë llogari Spalletit për protestat ndaj arbitrit gjatë lojës. Nga mediat italianë mësohet se në dhomat e zhveshjes Spalleti i është kthyer Allegrit duke i thënë se ‘nuk është mirë t’i bëjë moral njëherë që ai fiton’, pasi në shumicën e rasteve trajneri i Juves ka dalë fitues.

Sakaq Atalanta është mposhtur në shtëpi me shifrat 1-2 nga Fiorentina. Fillimisht shifrat i zhbllokoi Gjimshiti, por goli u anulua nga VAR, ndërsa më pas ‘vjollcët’ realizuan dy herë me Vlahovic me penallti. Njërën prej tyre shkaktoi Berat Gjimshiti.

Ndërkohë në Premier League Chelsea fitoi pastër 3-0 kundër Aston Villa-s falë një dopietë të Lukaku-t. Bomberi belg shënoi golin e parë dhe të tretin që ishte një supergol, ndërsa rrugën e rrjetës e gjeti edhe Kovacic.

Aktualisht Chelsea ndodhet në vendin e dytë me 10 pikë, po aq sa Manchester United që më herët shkatërroi Neëcastle me shifrat 4-1. Dy prej këtyre golave u realizuan nga Cristiano Ronaldo në nddeshjen debutuese pas rikthimit në Old Traford.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Mandarina me pesticide nga Shqipëria, Ministria e Bujqësisë: 3 ngarkesa u kthyen mbrapsht! Një u asgjësua, tjetra u bllokua, e treta s'ka mbërritur

Mandarina me pesticide nga Shqipëria, Ministria e Bujqësisë: 3 ngarkesa u kthyen mbrapsht! Një u asgjësua, tjetra u bllokua, e treta s'ka mbërritur

18 Dhjetor, 21:12