POP 5

Lajmet më të lexuara të 5 minutave të fundit

Arkiva

E përndjekura në spital prej
tensionit, Hoxha kërcënon Ramën

Greva e urisë së të dënuarve politik në ditën e dytë të saj ka nisur me një matje të tensionit nga mjekët. Por, pavarësisht kësaj, një prej të ngujuarve, ka pasur probleme, gjë që ka sjellë dhe tensionimin e parë të situatës. 
E përndjekura në spital prej<br />tensionit, Hoxha kërcënon Ramën
TIRANE- Greva e urisë së të dënuarve politik në ditën e dytë të saj ka nisur me një matje të tensionit nga mjekët. Por, pavarësisht kësaj, një prej të ngujuarve, ka pasur probleme, gjë që ka sjellë dhe tensionimin e parë të situatës. Fatmir Hoxha, kreu i grevës së ish-të përndjekurve ka akuzuar kryeministrin Edi Rama për mungesën e ndihmës së menjëhershme. “Edvin, nëse do t’i ndodhë diçka grevistes sonë, do të përballesh me atë që s’je përballur kurrë në jetën tënde”, tha ai. Hoxha e bëri kërcënimin para mediave duke bërë të ditur se një greviste, Bedrie Bozaxhiu, ishte në gjendje të rënduar për jetën.

Sipas tij ambulanca dhe mjeku nuk ishin në kohën e duhur për të dhënë asistencën e tyre. “Pas informacionit që mora nga mjekët, zonja Bozaxhiu që është me baba të pushkatuar, ndodhet në gjendje të rëndë për jetën. Pasi kërkuam ambulancën dje dhe sot, vonesa e çoi në këtë gjendje”, tha ai.

Të përndjekurit kërkojnë nga qeveria dëmshpërblim në total të pagesave brenda dy viteve të para të qeverisjes dhe përfitimin e një statusi special për të gjithë anëtarët që janë gjallë të kësaj shtrese. Në listën e kërkesave që kanë paraqitur ish-të dënuarit politik është edhe shtimi i masës së dëmshpërblimit për të gjithë ata persona që janë internuar gjatë komunizmit dhe rikthimi në mënyrë të menjëhershme në administratën shtetërore të ish-të përndjekurve politik të larguar pa të drejtë nga puna. Gjithashtu ata kërkojnë dënimin e figurës së Enver Hoxhës dhe partisë Komuniste.

Po dje Fatmir Hoxha ka replikuar dhe me akuzën e ngritur ndaj tij mbi pronësine e dyqaneve që janë pranë godinës së të dënuarve politik. Duke u shprehur se në asnjë vend të kësaj godine nuk ka pronë private, ai tha se akuzat janë të pavërteta. Përsa i përket faktit se ai nuk ka bërë asnjë ditë burg, Hoxha ka theksuar se ka statusin e të përndjekurit politik që i lind nga e ëma dhe nga dajat e tij.

Sipas Hoxhës persekutimi ka lindur që 40 vite më parë ndërsa dajat I janë vrarë si kundërshtarë të regjimit të kohës. Ndërsa vetë ka jetuar në rrethim me gjemba. Po ashtu dhe të dënuar të tjerë politik kanë dhënë qëndrimet e tyre ndaj grevës, duke përshkruar dhe historinë e tyre të dënimeve politike. Ndërkohë kanë theksuar se dënimi i diktatorit Hoxha është një pikë e rëndësishme për grevën.


Shkrimi u botua në Shqiptarja.com (print) në 30 maj 2014
(d.a/shqiptarja.com)  
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51