Një ngjarje e pazakontë ka ndodhur në Fushë-Kosovë. Tre persona janë konfliktuar pas një mosmarrëveshje në ashensor.
Dy prej tyre janë arrestuar. Të tre burrat e përfshirë në sherr sulmuan njëri-tjetrin dhe morën lëndime. Ata u dërguan në spital për të marrë trajtim mjekësor.
“Të dyshuarit si pasojë e lëndimeve kanë pranuar trajtim mjekësor, ku njëri prej tyre është dërguar në QKUK dhe mbetet në trajtim mjekësor. Me vendim të prokurorit, njëri prej të dyshuarve është dërguar në mbajtje, kurse tjetri është liruar në procedurë të rregullt”, njofton Policia e Kosovës.