POP 5

Lajmet më të lexuara të 5 minutave të fundit

Sociale

E pazakontë në Tiranë! Mungon mësuesja e klasës së katërt te ‘7 Marsi’, e zëvëndëson nxënësja e klasës së 7-të! Fëmijë e prindër në protestë

Njëra klasë e katërt në shkollën 9-vjeçare 7 Marsi në Tiranë nuk ka zhvilluar asnjë orë mësimore, pasi mungon mësuesja për shkak të disa problemeve shëndetësore. E pazakonta në këtë histori është se mësuesen e ka zëvendësuar një nxënëse, ndaj prindërit janë ngritur në protestë.

Këta nxënës duhet të ishin të ulur në bankat e klasës së tyre e jo të qëndrojnë jashtë kangjellave të shkollës duke kërkuar të zhvillohet mësim. Pavarësisht se shkollat kanë filluar mësim që nga 11 shtatori, një klasë e 4 në shkollën 9-vjeçare 7-Marsi ka gati një javë që nuk zhvillon asnjë orë mësimore pasi nuk kanë mësuese. Duket si protestë e pazakontë ku fëmijët kërkojnë një të drejtë themelore: Duan mësim.

“S’kemi bërë mësim , duam mësuese”, tha një nxënës.

"Duam mësuese për fëmijën të vazhdojë mësimi rregullisht".

Më e pazakonta qëndron në faktin së mësuesen e 17 nxënësve të kësaj klase Mimoza Jeshili nuk e ka zëvendësuar jo një tjetër mësuese, por një nxënëse e klasës së shtatë, e cila është ngarkuar që të mbajë qetësi në klasë.

"Mësuesja na ka pyetur çfarë lojërash luajmë", tha një nxënës.

"Zhysha vinte dhe na thoshte mbani qetësi se klasat e tjera po bëjnë mësim", shtoi një tjetër.

 “S’kanë bërë asgjë në shkollë, kanë shkuar kot, nëse mësuesja aktuale ka probleme të kishin sjellë mësuese zëvendesues për fëmijët… Ne i sjellim në shkollë për të mësuar jo për të qendruar kot…”, thanë prindërit.

"Që kur ka filluar shkolla e kam sjellë ditën e parë doli një mësuese dhe tha nuk është mësuesja e tyre. Na tha lërini fëmijët, por ne i lamë në mirëbesim", tha një prind tjetër.

Një nga risitë e këtij viti shkollor, e prezantuar nga Ministria e Arsimit ishte vendosja e mësuesve në dispozicion, pikërisht për të mbuluar mungesat në staf për arsye të ndryshme, por kjo nuk ka ndodhur.

“Nuk duam nxënës të klasave te tjera, duam mësuese tjetër, të na shpjegojë, të na japë detyra”, tha nxënësi.

Prindërit thonë se prej dy ditësh kanë kërkuar takim me drejtorin e shkollës Alfred Jani, por nuk i ka pritur dhe as sqaruar. Madje ai ka shkuar edhe më tej, duke njoftuar policinë, me pretendimin se prindërit e kanë fyer.

Prindërit e nxënësit e klasës 4A kërkojnë zgjidhjen e menjëhershme të këtij problemi dhe marrjen e masave që fëmijët e tyre të vijojnë procesin mësimore si të gjithë fëmijët e tjerë.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zeqine: 15/09/2023 10:47

    Alfred Jani Pasi shiti syze 7 vite te tregu cam u be pjese e fushates se Lindita Nikolles. Si shperblim u be drejtor shkolle ne zemer te Tiranes . Ajo shkolle eshte shkaterruar ne menyre te pakthyeshme qe ne momentin qe ky njeri ka marre drejtimin e saj . Alfred Jani iu ka hequr deshiren per tu arsimuar dhjetra femijeve dhe ka shkaktuar trauma psikologjike te nje pjese e madhe e stafit pedagogjik. Alfred Jani ka 10 vite qe jep kontributin e tij shkaterrues ne arsimin shqiptar.

    Përgjigju
  • Iris: 15/09/2023 03:10

    Zysha e paska me vale te gjata kovaleshencen e semundjes,por mesa duket ka frike se mos i zene vendin per fare,ndryshe nuk shpjegohet zevendesimi me nxenese dhe nervozizmi i drejtorit!

    Përgjigju
  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

VIDEO/ Mijëra tifozë në rrugët e Milanos, Inter nis festën e titullit me autobus të hapur

VIDEO/ Mijëra tifozë në rrugët e Milanos, Inter nis festën e titullit me autobus të hapur

28 Prill, 16:23