POP 5

Lajmet më të lexuara të 5 minutave të fundit

Politikë

E quajti ‘ikonë të krimit’, Elisabeta Imeraj i përgjigjet Bashës: Më sulmon për dosjen e tij në Prokurorinë e Tiranës! Kriminelët nuk më bëjnë dot presion

Kryeprokurorja e Tiranës, Elisabeta Imeraj i është përgjigjur kreut të Partisë Demokratike Lulzim Basha, pasi ky i fundit gjatë një interviste televizive, e quajti atë “ikonë të krimit dhe korrupsionit në sistemin e drejtësisë shqiptare”

E quajti ‘ikonë të krimit’, Elisabeta Imeraj i përgjigjet Bashës: Më sulmon për dosjen e tij në Prokurorinë e Tiranës! Kriminelët nuk më bëjnë dot presion

Lulzim Basha dhe Elizabeta Imeraj

Kryeprokurorja e Tiranës, Elisabeta Imeraj i është përgjigjur kreut të Partisë Demokratike Lulzim Basha, pasi ky i fundit gjatë një interviste televizive, e quajti atë “ikonë të krimit dhe korrupsionit në sistemin e drejtësisë shqiptare”.

‘Kur e denoncova këtë, kërcitën telefonatat, dhe prap asnjë media nuk e mbulonte këtë. Kryeprokurorja e Tiranës është ikonë e korrupsionit dhe krimit.’- tha Basha në Real Story.

Por i menjëhershëm ka qenë edhe reagimi i prokurores së Tiranës, e cila tha se “kriminelët nuk mund t’i bënin presion”. Sipas Imerajt, sulmet personale dhe direkte të kreut të PD Lulzim Basha bëhen për shkak të dosjeve që ai ka në Prokurorinë e Tiranës.

“Presion që i bëhet një prokurore që ka 17 vjet në detyrë, që ka hetuar Saimir Tahirin e Shullazin. Deklarata e Bashës është sulm personal për shkak të dosjeve që ka në Prokurorinë e Tiranës, dhe për këto akuza do të përballet në Gjykatë”, i shkruante Kryeprokurorja drejtuesit të emisionit.

“Nuk bie pre e asnjë presioni politik, ekonomik apo kriminal, as e ikonës së shpëtimit nga Drejtësia me Procedurë. Presioni karshi një prokurori është vepër penale, dhe unë s’kam rënë pre e presionit në asnjë rast nga asnjë lloj krimineli.

Jam prokuror i Republikës së Shqipërisë, dhe do bëj detyrën time, në bazë të Kushtetutës dhe Ligjit, pavarësisht nga sulmet e botës së politikës, së krimit, apo të njerëzve të futur për arsye të ndryshme.

Shpifja për shkak detyre, fyerja publike, dhe kanosja për shkak detyre janë vepra penale, për të cilat do përgjigjeni sipas ligjit.  Reagimi kaq personal është mungese fisnikërie, është reagim i bërë nga një ish- i pandehur i hetuar, për pastrim parash, ikonë dhe simbol i shpëtimit nga drejtësia me procedurë.”- tha Imeraj më tej.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 10/04/2021 00:41

    Asgje nuk ka per te ndodhur.Deklarata e zonjes eshte me nentekst,eshte njelloj si te thoshte ://-Mbyll gojen,ose do te te hap dosjet qe po flene ne gjykate,qe i mbajme thjesht per t'ju kujtuar tipave si ju qe T'A QEPIN,sepse e kemi ne dore fatin tuaj me drejtesine!//.Kur t'ju shkohet deri ne fund hetimeve,gjyqeve,vendimeve ne drejtesi per V.I.P-at e politikes,atehere thuhet se reforma ia vlejti.

    Përgjigju
  • Erl: 09/04/2021 16:05

    Zj.prokurore nëse ti nuk e merr të pandehur Bashën a është vepër penale të shohësh konsumimin e një vepre penale e të mos veprosh...? Presim veprimin tënd ligjor, jo mediatik...

    Përgjigju
    • kafsha: 09/04/2021 21:32

      muk i kemi ato kushte demokratike akoma.shume te drejte keni te gjithe/por a e imagjinoni te behet nje gje e tille??do thon diktator rama qe e hoqi qafe kundershtarin e tij.sikur nuk e dini qe ata mbase ate do donin si parti fashiste qe te benin rremuj duke bere kurban lulin akoma dhe me arrest per dosjet e shumta qe ka

  • Mondi: 09/04/2021 12:39

    Z.prokurore ne detyre ke te gjith fuqine per ti bere ligjore akuzat e renda. Po ke kellqe coje ne fund mos mjaullis neper Facebook's por ne sallen e gjyqit

    Përgjigju
  • Ggg: 09/04/2021 08:43

    Nqs ka dosje atehere e ke detyrim qe ta marresh te pandehur e jo te flasesh larte e poshte moj ti zonja prokurore....

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Dosja SKY ECC/ GJKKO pranon kërkesën e SPAK, kalon për proces Erzen Breçanin, Dedan Gjonin dhe 6 të tjerët! Për një pushohet çështja (VENDIMI)

Dosja SKY ECC/ GJKKO pranon kërkesën e SPAK, kalon për proces Erzen Breçanin, Dedan Gjonin dhe 6 të tjerët! Për një pushohet çështja (VENDIMI)

27 Dhjetor, 16:15