E rëndë në Shkodër/ 15-vjeçari vritet me thikë, autori bashkëmoshatar e qëlloi disa herë dhe u largua, ndalohet pas disa orësh! I mituri u gjet nga një kalimtar, ndërroi jetë në spital (EMRI)

SHKODËR- Një ngjarje e rëndë tronditi qytetin e Shkodrës, mbrëmjen e sotme (14 tetor 2024)  kur një 15-vjeçar u vra pasi u godit disa herë me thikë. I mituri Emiljano Gjoni gjeti vdekjen në spitalin rajonal të Shkodrës, pasi nuk u mbijetoi dot plagëve të rënda që kishte marrë, ndërsa disa orë më pas policia njoftoi se kishte identifikuar e ndaluar autorin e dyshuar, edhe ai i mitur, bashkëmoshatar me viktimën. 

Vrasja ndodhi rreth orës 19:30 të  në lagjen “Skenderbeg”. Autori i vrasjes, i cili sipas policisë është edhe ai 15 vjeç,pasi goditi me thikë viktimën ishte larguar nga vendi i ngjarjes. Motivi ende nuk është i qartë, por Policia njofton se gjithçka ka nisur pas një sherri dhe më pas i mitur është goditur disa herë me thikë.

Pa mëshirë, autori e ka lënë të miturin në mes të rrugës dhe është larguar nga vendi i ngjarjes. Burime për gazetarin e Report Tv, Ergys Kavaja bëjnë me dije se autori shoqërohej edhe nga një person tjetër.

Ka qenë një kalimtar i rastit që ka gjetur të miturin të shtrirë në tokë dhe të gjakosur. 15-vjeçari ka pasur ende shenja jete dhe kalimtari i ka dërguar në spital për të marrë ndihmë mjekësore. Fatkeqësisht i mituri nuk mundi t’i mbijetojë plagëve të marra dhe humbi jetën në spital.

"Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë),  një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër. Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit", njoftoi policia. 

Tre orë më pas policia e Shkodrës tha se kishte identifikuar dhe shoqëruar në Komisariat për veprime të mëtejshme, një 15 vjeçar që dyshohet si autor i kësaj ngjarjeje.

"Në vijim të informacionit paraprak të dhënë më parë, ku në zonën e Fermentimit, në lagjen “Skenderbeg”, në rrethana ende të paqarta u plagos me armë të ftohtë (thikë) një 15 vjeçar dhe si pasojë e plagëve të marra humb jetën në spital, menjëherë u krijua grupi hetimor dhe shërbimet e Policisë u shpërndanë në zonë për të grumbulluar informacion me qëllim identifikimin dhe kapjen e autorit.

Falë veprimeve të shpejta, shërbimet e Policisë Shkodër,  identifikuan dhe shoqëruan në Komisariat për veprime të mëtejshme, një 15 vjeçar që dyshohet si autor i kësaj ngjarjeje' informoi policia në mbrëmje vonë. 

Nga veprimet e para hetimore rezulton se dhe 15 vjeçari i dyshuar si autor i ngjarjes është dëmtuar lehtë thikë në sup pa probleme për jetën

Policia thotë se gjatë kqyrjes së vendit të ngjarjes  gjetën dhe sekuestruan në cilësinë e provës materiale mjetin prerës (thikë) që dyshohet se është përdorur gjatë konfliktit, ku mbeti i plagosur 15 vjeçari, i cili humbi jetën në Spital.

Report Tv solli edhe pamjet nga vendi i ngjarjes, ndërsa tashmë Policia dhe grupi hetimor kanë zbritur në terren për të zbardhur ngjarjen, motivet, dinamikën, si edhe për të identifikuar dhe arrestuar autorin e vrasjes.

Rendit zhvillimet sipas orarit:

Të Fundit Të Parat

SI.E./S.G/Shqiptarja.com

TAG:
• Emiljano Gjoni
• vrasje
• Policia e Shkodrës
• Shkoder