E shkuara e funksionarëve
 dhe harta e verifikimit

Ligjvënësit shqiptarë kanë përcaktuar një hartë vendesh, ku do të kërkohet informacion për të shkuarën e funksionarëve publikë dhe për personat që do të zgjidhen apo emëron në funksione publike.Prokuroria e Përgjithshme mund të kërkojë informacion për të shkuarën e kandidatëve në çdo vend anëtar të Bashkimit Evropian, në Shtetet e Bashkuara të Amerikës, në Kanada si dhe në çdo shtet tjetër i përcaktuar me vendim të Kuvendit. Ligji ngarkon çdo organ përgjegjës që të bëjë publike faktet e paraqitura në formularin e vetëdeklarimit.

Më pas, brenda 5 ditëve, organi përgjegjës kërkon verifikimin e plotë nga Prokuroria e Përgjithshme të deklarimeve të bëra kur ka indicie mbi bazën e një kërkese, ose kryesisht kur ka të dhëna apo fakte, përfshirë ato të njohura botërisht. Nga ana e saj, Prokuroria mund t’u kërkojë informacion vendeve të mësipërmeve për dënime penale me vendim të formës së prerë, për dënime penale me vendim jopërfundimtar nga një autoritet gjyqësor, për masë sigurimi personal nga një autoritet gjyqësor, për urdhër kërkimi ndërkombëtar nga një autoritet gjyqësor si dhe për dëbime nga territori i një shteti anëtar të BE-së, SHBA-ve, Kanadasë, Australisë apo një shteti tjetër të përcaktuar me vendim të Kuvendit.

Redaksia Online
(A.N/Shqiptarja.com)