I dënuar në Itali me 21 vite burg për trafik droge, sekuestrohet pasuria 3 mln euro e 54-vjeçarit, mes tyre dy resorte në Sarandë

Pasuria me vlerë 3 mln euro i është sekuestruar një 54-vjeçari, i cili është i dënuar në Itali për trafik drogë. Dy resorte në Sarandë, një subjekt dhe një kamion dhe një rimorkio i është sekuestruar 54-vjeçarit Emiljan Burba. Të dy këto resorte në Delvinë të Sarandës ishin ndërtuar pa leje, por ishte bërë aplikim për legalizim.

Këto pasuri dyshohet se janë nga përfshirja e Emiljan Burbës në trafikun e drogës, për të cilin ai po vuan edhe dënimin. Sekuestrimi i pasurisë vjen pas një hetimi dy vjeçar që është bërë kundrejt pasurive të Burbës ndërkohë që po vijon hetimi për të zbuluar nëse ka pasuri të tjera të cilat 54-vjeçari mund të ketë regjistruar në emër të personave të tjerë.

54-vjeçari është arrestuar në Tiranë në vitin 2014, pasi ishte i shpallur në kërkim ndërkombëtar për trafik droge dhe më pas është ekstraduar drejt Italisë, atje ku po vuan edhe dënimin 21 vite burg për trafik droge. 

Konkretisht, Prokuroria Tiranë sekuestroi pasuritë e mëposhtme

- Pasuria e poseduar nga shtetasi E. B., në qarkun Vlorë, njësia Delvinë adresa Vane, ndërtim pa leje aplikuar për legalizim;

- Pasuria e poseduar nga shtetësja F.B., në qarkun Vlorë, njësia Vergo, adresa Vane, ndërtim pa leje, aplikuar për legalizim;

- Subjektin me nr. (NUIS) L871…, EMIL-2018, me administrator shtetasin E.B.; si dhe

- Asete të deklaruara të këtij subjekti: një kamion dhe një rimorkio.

Resorti i sekuestruar

SI.E./KT/Shqiptarja.com

TAG:
• Emiljan Burba
• Tirane
• sarande