POP 5

Lajmet më të lexuara të 5 minutave të fundit

Kronikë

E vërteta e lirimit të Keçit, si iu
ul në mënyrë drastike dënimi

Gjykata e Durrësit ka bërë njohjen e vendimit penal të huaj të gjykatës së Xhenovës për Durim Keçin, i dënuar në Itali për “shpërndarje, tregti të kokainës” dhe “Shfrytëzim Prostitucioni”. Ndryshe nga sa raportoi Partia Demokratike sot se Durim Keçi kishte mundur të rrëzonte ekstradimin e tij në Itali, “Shqiptarja.com” mëson se autoritet Italiane nuk kanë pasur asnjë kërkesë për ekstradimin e tij në Itali.  VIDEO
Gjykata e Durrësit ka bërë njohjen e vendimit penal të huaj të gjykatës së Xhenovës për Durim Keçin, i dënuar në Itali për “shpërndarje, tregti të kokainës” dhe “Shfrytëzim Prostitucioni”. Ndryshe nga sa raportoi Partia Demokratike sot se Durim Keçi kishte mundur të rrëzonte ekstradimin e tij në Itali, “Shqiptarja.com” mëson se autoritet Italiane nuk kanë pasur asnjë kërkesë për ekstradimin e tij në Itali.

Pala Italiane ka kërkuar konvertimin e dënimit me 8 vite e 9 muaj burg të dhënë nga gjykata e Xhenovës për Durim Keçin, të arrestuar nga policia në 11 tetor të vitit 2017 me qëllim ekstradimi pas kërkesës së autoriteteve italiane. Por, në 17 nëntor, pra një muaj pas arrestimit, autoritetet italiane ndryshuan kërkesën për Keçin nga ekstradim në njohje të vendimit penal italian në Shqipëri. Fillimisht në Itali, Keçi ishte dënuar me 13 vite e 3 muaj burg, ndërsa më pas përfitoi ulje për shkak të amnistisë, por edhe faktin se dënimi për trafik droge në Itali është i lehtë në Shqipëri duke shkuar në favor të Keçit konvertimi.

Në 5 janar 2018 gjykata e Durrësit ka vendosur të pranojë kërkesën e prokurorit Gëzim Veizi, duke i njohur dënimin Italian me 8 vite e 9 muaj burgim. Në këtë vendim gjykata e Durrësit shprehet si më poshtë: “…i zbritet periudha e dënimit të vuajtur në paraburgim në Itali, nga data 25.05.2002 deri më datë 19.12.2005, i ulet dënimi për efekt të amnistisë Italiane prej 3 vjet dhe i ulet periudha e paraburgimit e vuajtur në Shqipëri nga momenti arrestimit për llogari të ekstradimit në Itali, datë 11.10.2017…”.

Pra megjithëse ia ka njohur si vendim dënimi, gjykata e Durrësit njëherësh i ka njohur dhe amnistinë në Itali dhe periudhën e paraburgimit në këtë shtet. Për pasojë sipas llogaritjeve, Durim Keçit i është ulur thuajse e gjithë masa e dënimit, duke i mbetur për të vuajtur gati një muaj burgim. Edhe kjo periudhë është ezauruar dhe për pasojë nga ana e drejtorisë së Burgut dhe prokurorisë së Durrësit është urdhëruar lirimi i tij ditën e djeshme.

Opozita e ka denoncuar rastin, ndërsa ka akuzuar se trafikanti ka lidhje me socialistët, por Keçi në Maj ishte edhe në çadrën e PD.  Alibeaj deklaroi sot se e ka liruar Edi Rama nga burgu duke e shpëtuar nga ekstradimi.

Durim Keçi
Sqarimi i dënimit për Durim Keçin

d.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Hoti: 23 shkollat në Kurbin u mbyllën nga mungesa e ngrohjes

Hoti: 23 shkollat në Kurbin u mbyllën nga mungesa e ngrohjes

14 Janar, 12:51