Edhe përfaqësuesi rus në FMN
pro huasë 17.1 mld $ për Ukrainën

Edhe përfaqësuesi rus në FMN<br />pro huasë 17.1 mld $ për Ukrainën
FMN ka aprovuar një hua prej 17.1 miliardë dollarë për Ukrainën për përmirësimin e ekonimisë. Huaja erdhi pas rritjes së tensionit politik dhe ushtarak mes Ukrainës e Rusisë dhe kushtëzohet nga reforma të rrepta ekonomike, ku përfshihet rritja e taksave dhe e çmimit të energjisë.

Paratë do të lëvrohen gjatë dy viteve dhe shefja e FMNsë, Kristin Lagard, u shpreh se do të kontrollojë vazhdimisht qeverinë ukrainase në përmbushjen e detyrimeve të saj. Paketa e ndihmës u miratua nga 24 anëtarët e bordit të FMN-së, që përfshin edhe përfaqësuesin rus. Gjithashtu FMN do të sigurojë fonde të tjera me vlerë 15 miliardë dollarë nga donatorë të tjerë, ku përfshihen Banka Botërore, BE, Kanadaja dhe Japonia.

Dhjetorin e vitit të kaluar Ukraina ra dakord për një hua 15 miliardë dollarëshe që do merrte nga Rusia, por ajo u anulua pas protestave ndaj presidentit prorus Viktor Janukiviç.

Ditën e djeshme FMN paralajmëroi Rusinë se kishte rënë në recesion për shkak të dëmeve nga kriza ukrainase. Sipas saj 100 miliardë dollarë do të dilnin këtë vit nga Rusia, pjesërisht për shkak të sanksioneve amerikane dhe atyre evropiane, të cilat u vunë pasi Rusia aneksoi rajonin e Krimesë muajin e kaluar.

Redaksia Online
(Gre.M/Shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Vonesa e anulime në fluturime, 60% e udhëtimeve me probleme nga Wizz Air, mijëra qytetarë rrugëve në 2023!  ‘Air Albania’ prej kompanive më të mira

Vonesa e anulime në fluturime, 60% e udhëtimeve me probleme nga Wizz Air, mijëra qytetarë rrugëve në 2023! ‘Air Albania’ prej kompanive më të mira