Me pyetjen “Edhe sa të tjera?”, Erion Braçe i revoltuar ka reaguar lidhur me vrasjen makaber të shënuar në Fier mbrëmjen e djeshme.
Zëvendëskryeministri në detyrë, e ka quajtur vrasësin e vajzës dhe nënës së re, vetëm 23 vjeç, një kafshë burrë, i cili ia mori jetën teksa ajo po hante bukë pas një dite të lodhshme pune.
Akuzat e Braçes nuk bien vetëm mbi dorën e kriminelit, Elton Metaj por edhe mbi drejtësinë. I habitur, ai nuk mund të besojë se pikërisht ky njeri, është arrestuar vetëm 1 vit më parë për pengmarrje në të njëjtën shtëpi, të së njëjtës grua, ndërsa sot është i lirë...i lirë të vazhdojë krimin e nisur!
I revoltuar, mes rreshtave të tij ai kërkon që dikush të mbajë përgjegjësinë e kësaj tragjedie, një prokuror? apo një gjyqtar?!
Përveç vrasësit dhe drejtësisë, sipas zëvendëskryeministrit në detyrë fajin e ka edhe kultura mizerable siç e quan ai e dhunës ndaj vajzave dhe grave.
Kultura e Dhunës e kultivuar ndër vite! Në këtë moment Braçe solli në vëmendje rastin e ditës së djeshme, në seancën e Kuvendit ku sipas tij një “tufë burrash u eksituan në të njëjtën akt dhune” duke grisur fletët e votimit.
“U irrituan shume ca plehra politike-disa e shprehen e disa e mbajtën përbrenda për te mos e harruar, një status timin rreth një seriali te degraduar ne dhune nen moton: GRATË VDESIN SI BURRAT POR BURRAT JO, RINGJALLEN!”, shkuan Braçe në rrjetin e tij social Facebook.
Në reagimin e tij lidhur me vrasjen e vajzës së re nga ish-bashkëshorti në Fier, ai nuk ka lënë pa ironizuar faktin që do të jetë pjesë e qeverisë edhe për pak kohë duke thënë “A ka mundësi të di unë, meqë jam edhe ca dite me demek zëvendësudhëheqës”.
E tronditur nga vrasja makabre e shënuar gjatë mbrëmjes së djeshme në Fier, ka reaguar Ministrja e Shtetit për Marrëdhëniet me Parlamentin, Elisa Spiropali, e cila ka kërkuar nga Inspektoratit i Lartë i Drejtësisë të kryejë hetim të thelluar për këtë rast.
Ajo e konsideron krimin në familje, i cili duhet të "luftohet" dhe kërkon përgjegjësi institucionale dhe dënime shembullore, në mënyrë që këto raste mos t përsëriten duke lënë pas trishtimin dhe vulën e turpit mbi një shoqëri të tërë.
Spiropali shkruan se vrasja e grave dhe vajzave në familje është krim i llahtarshëm brenda një kodi maskilist patriarkal të atyre që gruan e shohin si pronë me të cilën mund të bëjnë gjithçka; ta mbajnë, ta shesin, ta blejnë, ta dhunojnë, e madje edhe ta asgjesojnë.
Në fund të thirrjes së saj kundrejt Inspektoratit të Lartë të Drejtësisë, ajo i ka shprehur edhe ngushëllime familjes së vajzës së re që humbi jetën kaq tragjikisht.
Komente
Lajme të tjera
-
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Shkodër/ Po dhunonte të atin dhe e kërcënonte për ta vrarë, policia arreston në flagrancë 29-vjeçarin
23 Dhjetor, 11:10 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
Hetim vetem per kete rast ? Vend i korruptuar deri ne palce , nuk ka asnje institucion shteteror te funksionoje pa dhene rryshfet , te mjeret njerez me keta drejtues qe kane
Përgjigju