Edicioni i katërt i 'Survivor Games', Veliaj: Kaluam një periudhë të vështirë, maratona, kartolinë e një Tirane që është ngritur më e fortë dhe më e bashkuar

Sot në Parkun e Liqenit Artificial u zhvillua edicioni i katërt i kampionatit “Survivor Games”, një organizim “outdoor” që promovon jetesën aktive në natyrë. Kreu i Bashkisë së Tiranës, Erion Veliaj tha se këtë herë “Survivor Games” merr një konotacion tjetër, sepse vjen pas përballjes së vendit me tërmetet dhe pandeminë e Covid 19.

"Jemi të gjithë survivors. Dhe si njerëz që i mbijetojmë sfidave, si njerëz që rrëzohen, ngrihen, rrëzohen, ngrihen unë them që të gjithë meritojmë titullin survivors. Kjo sepse secili ka bërë betejën e vet, dikush në polici, dikush zjarrfikës, dikush në mjekësi, dikush në klasat e shkollave tona. Prandaj besoj që ky edicion i kushtohet gjithë atyre survivors që në punën e tyre realisht japin më të mirën", nënvizoi Veliaj.

Kryebashkiaku rikujtoi edhe Maratonën e Tiranës, që do zhvillohet ne 17 Tetor, si një mundësi fantastike për adhuruesit e sportit.

"Shumica prej jush kanë qenë dhe promotorë dhe janë regjistruar dhe dua shumë që të jetë një kartolinë e Tiranës moderne dhe të një Tiranë që dhe nga tërmetet dhe nga pandemia është ngritur më e fortë, më e bashkuar e më solidare", sqaroi më tej ai.

 

J.GJ./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

LSDM pranon dorëheqjen e Zoran Zaev, më 12 dhjetor mbahen zgjedhjet për kreun e ri të partisë