Eduard Selami:Kritik se shqiptarët
shohin shpresë te Partia Demokratike

Një nga themeluesit e Partisë Demokratike, ish-kryetar i kësaj force politike, Eduard Selami gjatë fjalës së tij në ceremoninë e 25 vjetorit të themelimit të PD, sqaroi kritikat e tij në adresë të lidershipit demokrat, Lulzim Basha.
 
Deputeti demokrat citoi një fjalë të John Kennedy-t për të treguar se kritikat brenda partisë bëhen veçse për tu përmirësuar drejt pritshmërive që shqiptarët kanë në këtë parti.
 
“Siç thotë John Kennedy, “atij që i besohet nga ai edhe më shumë pritet”.
 
Prandaj dhe sot, Shqipëria pas 25 vitesh përsëri ka nevojë për një rigjallërim të vlerave më të mira demokratike.
 
Me të drejtë shqiptarët, për shkak të keqqeverisjes po humbasin shpresën, por ku më shumë se Partia Demokratike do ta kërkojnë.
 
Prandaj dhe ky është detyrimi jonë i përbashkët.
 
Prandaj, nëse unë ngre zërin kritik, e ngre pikërisht në sajë të këtyre vlerave, të kësaj shprese dhe të këtij besimi që shqiptarët kanë te Partia Demokratike”, u shpreh Selami.
 
Deputeti demokrat veçoi para të pranishmëve se lëvizja e Dhjetorit nuk do kishte rezultat pa Partinë Demokratike.

Sipas tij, Shqipëria kaloi nga vendi më i izoluar i Europës, në një vend që u anëtarësua në NATO dhe anëtare në KE.
 
“Nga vendi më i izoluar i Evropës, nga përballja me kulturën komuniste, Shqipëria arriti të anëtarësohet në NATO e Këshillin e Europës. Në pjesë janë këtu dhe një pjesë jo, por dua t’i falënderojë nga zemra”, theksoi Selami.
 

Redaksia Online
(F.T/shqiptarja.com)