POP 5

Lajmet më të lexuara të 5 minutave të fundit

Arkiva

EGJIPT – Kajro dekreton gjendjen e jashtëzakonshme në Sinai

KAJRO – Egjipti dekretoi sot gjendjen e jashtëzakonshme në një një pjesë në veri dhe qendër të gadishullit të Sianit, bastion xhihadist, njoftoi presidenca në një komunikatë pas vdekjes së 30 ushtarëve në një atentat kamikaz. 
KAJRO - Egjipti dekretoi sot gjendjen e jashtëzakonshme në një një pjesë në veri dhe qendër të gadishullit të Sianit, bastion xhihadist, njoftoi presidenca në një komunikatë pas vdekjes së 30 ushtarëve në një atentat kamikaz.
"Kjo gjendje e jashtëzakonshme, e shpallur nga një dekret i presidentit Abdel Fattah al Sissi, filloi sot në orën 3:00 GMT, do të zgjasë tre muaj  dhe shoqërohet nga një ndalim qarkullimi i përgjithshëm nga ora 15:00 GMT deri në 5:00 GMT", sipas një komunikate të presidencës.
Gjendja e jashtëzakonshme përfshinë një zonë që fillon nga qyteti Rafah, që ndodhet në kufij me Rripin e Gazës (palestineze), deri në perëndim të qytetit Al Arik, qyteti më i madh i provincës së veriut të Sinait dhe përfshin gjithashtu edhe rajone nga provinca qendrore e Sinait.
"Ushtria dhe policia do të marrin të gjitha masat e nevojshme për t'u përballur me rrezikun e terrorizmit dhe financimin e tij, të ruajë sigurinë në rajon dhe të mbrojë jetët e qytetarëve", sipas dekretit presidencial.
Vendimi i autoriteteve egjiptiane vjen pasi një kamikaz vrau 30 ushtarë dje në mbrëmje duke u drejtuar me makinën e tij të mbushur plotë me eksploziv kundër një pike kontrolli të ushtrisë. Bëhet fjalë për sulmin më të përgjakshëm kundër forcave të rendit që prej rrëzimit nga ushtria të presidentit islamik Mohamed Morsi në korrik 2013./ATSH/

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21