Receta

Ekmek kadaif, embëlsira e famshme greke me kadaif dhe krem nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Korrik 2023, 12:40 | Përditesimi: 19 Korrik 2023, 12:53

Ëmbëlsirë me krem dhe kadaif

Përbërësit:

Për kremin:

LEXO EDHE:
Pulë me oriz në furrë nga zonja Albana

1.5 litër qumësht
250 gr sheqer
1 limon (lëkura)
6 vezë
100 gr miell misri i hollë
50 gr miell misri i trashë
1 bustinë vanilje
100 gr gjalpë
Pak kripë

Për shurupin:

700 gr sheqer
500 ml ujë
1/2 lëng limoni
1 shkop kanelle

Baza e ëmbëlsirës:

7 petë të holla
300 gr kadaif
250 gr gjalpë i tretur

Përgatitja:

Në një tenxhere vendosim qumështin (pasi kemi mbajtur 1 filxhan qumësht të ftohtë mënjëanë) gjysmën e masës së sheqerit dhe lëkurën e një limoni. Në një enë tjetër shtojmë gjysmën tjetër të sheqerit, vezët, miellin e misrit, vaniljen dhe kripën. E rrahim mirë derisa masa të unifikohet. Shtojmë filxhanin e qumështit të ftohtë si dhe një filxhan qumësht të ngrohtë që e marrim nga tenxherja. Këtë masë e shtojmë më pas në tenxhere dhe e lëmë derisa kremi të marrë valë dhe të lidhet. Në fund shtojmë gjalpin.

Hapim kadaifin në një tepsi dhe gjysmën e tij e spërkasim me gjalpë. Shtrojmë në tavë 4 petë të spërkatura me gjalpë. Petët duhet të jenë në anësore. Vendosim kremin, i palosim petët mbi krem, shtrojmë 3 petët e tjera të spërkatura me gjalpë dhe sipër shtrojmë kadaifin. E presim me thikë në katrore. Ngrohim gjalpin, i shtojmë pak ujë dhe spërkasim kadaifin. E vendosim të piqet në furrë në temperaturën 180 gradë për 55 minuta. Ndërkohë kemi përgatitur shurupin të cilin e lëmë të ftohet. Pasi e nxjerrim nga furra e lëmë 2-3 minuta dhe më pas e sherbetosim me shurupin e ftohtë. E lëmë ëmbëlsirën të ftohet plotësisht, më pas e servirim.

MC/r.k./Shqiptarja.com

TAG:

Komento

Komente

Askushi: 19/07/2023 15:30
Edhe ekmek kadaif dhe embelsire greke si pa kuptim me duket.turqisht ekmek i thojn bukes po kadaifi dihet.se kuptoj
Përgjigju