POP 5

Lajmet më të lexuara të 5 minutave të fundit

Ekonomi

Ekonomia e Financat: Jo rritjes
abuzive të çmimeve nga tregëtarët

Ministria e Zhvillimit Ekonomik Tregëtisë dhe Sipërmarrjes në bashkëpunim me Ministrinë e Financave me anë të një urdhëri të përbashkët do të krijojnë një grup të përbashkët pune për shmangien e rritjes abuzive të çmimeve në treg.
TIRANE- Ministria e Zhvillimit Ekonomik Tregëtisë dhe Sipërmarrjes në bashkëpunim me Ministrinë e Financave me anë të një urdhëri të përbashkët do të krijojnë një grup të përbashkët pune për shmangien e rritjes abuzive të çmimeve në treg. Kjo Task Force do të bëjë të mundur monitorimin e çmimeve të produkteve që preken nga rritja e akcizës dhe taksës së qarkullimit. Urdhri i nënshkruar nga dy Ministrat përkatësisht Ministri i Zhvillimit Ekonomik, Tregëtisë dhe Sipërmarrjes Arben Ahmetaj dhe Ministri i Financave Shkëlqim Cani, angazhon specialistë nga ministria e Zhvillimit Ekonomik, Drejtoria e Përgjithshme e Doganave dhe Drejtoria e Tatimeve që të parandalojnë rritjen abuzive të çmimeve për ato produkte që preken nga rritja e akcizës. Kontrollet do të përqendrohen te produktet e duhanit dhe te hidrokarburet.

Grupi i punës do të organizojë menjëherë monitorimin e tregut dhe do të evidentojë situatën në lidhje me çmimet e produkteve objekt i rritjes së akcizës dhe taksës së qarkullimit mbi benzinën dhe gazoilin. Në bazë të kësaj marrëveshje grupi i punës do të njoftoj dhe do të raportojë situatën dhe masat e marra pranë dy Ministrive përgjegjëse (Ministrisë së Zhvillimit Ekonomik dhe Ministrisë së Financave). Pë zbatimin e këtij urdhëri të përbashkët ngarkohen Drejtoria e Tregut të Brëndëshëm në MZHETS, Drejtoria e Përgjithshme e Tatimeve dhe Drejtoria e Përgjithshme e Doganave.
 
Nga Importi, Magazinimi dhe dalja në treg e mallit
Statistikat zyrtare thonë se vetëm gjatë muajit Dhjetor 2013, në Shqipëri u futën rreth 246 Ton cigare më shumë e krahasuar me të njëjtën periudhë të një viti më pare. Natyrisht  ky mall fillimisht depozitohet nëpër magazine dhe pas një fare periudhe ai del në treg, dhe ky është moment kur për këtë mall paguhet akciza. Eshtë e ditur se Akciza e duhanit është rritur me 20 lekë në fillim të këtij muaji, por rritja e vlerës së akcizës duhet të ndihej në muajt në vijim te konsumatorët, pasi aktualisht po tregtohen produktet e importit që në vend kanë hyrë gjatë vitit 2013. Sipas statistikave zyrtare Shqiptarët konsumojnë rreth 4 mijë ton duhan në vit, ndërkohë që pritshmëritë për këtë vit janë që importi të arrijë në nivele prej 3500 ton.

Në sektorin e tregtimit me pakicë të hidrokarbureve abuzimi është edhe më i madh. Në ditët e para të muajit Janar tregtarët rritën çmimet me 10 lekë duke përfshirë edhe taksën e re. Por abuzimi është edhe më i madh, nëse marrim në konsideratë se, vlera e shtuar nga taksa e re sipas ekspertëve të ekonomisë, do të rëndojë mbi konsumatorin nga muaji Prill. Kjo sepse tregu i hidrokarbureve në vend funksionon në bazë të një rregulloreje të përgatitur nga qeveria, që detyron subjektet të mbajnë rezerva të paktën për tre muaj. Ndaj rritja e çmimit të karburantit është abusive.

faksimile


Shkrimi u publikua sot (12.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Trump shikon një takim të afërt me Putin: Ai dëshiron të takohemi dhe po vendosim

Trump shikon një takim të afërt me Putin: Ai dëshiron të takohemi dhe po vendosim

10 Janar, 09:12