POP 5

Lajmet më të lexuara të 5 minutave të fundit

Kronikë

Ekskluzive/ 'Alo Pa Gjurmë, më ndihmoni të gjej vajzën', fjalët drithëruese të nënës: Është gënjyer, Kejsi hape telefonin, më thuaj që je gjallë

Dëshmia ekskluzive për Report Tv e nënës së një prej adoleshenteve të humbura që nga 1 janari i këtij viti në Tiranë. Fjalët përlotëse të nënës për Pa Gjurmë dhe apeli që ta ndihmojnë të gjejnë vajzën e saj Kejsi Ahmetaj.

TIRANË- Dhimbja e saj si nënë për mospasjen dijeni se çfarë ka ndodhur me vajzën e saj dhe ndjekja e kësaj çështje nga emisioni  i "Pa Gjurmë", ka bërë që nëna e njërës prej 16-vjeçareve të larguara nga shtëpia, që prej 1 janarit 2021 në Tiranë, të marrë në telefon në emisionin që po transmetohej live në Report Tv.  

Nëna e Kejsi Ahmetaj, Aida ka bërë apel që ta ndihmojnë të gjejnë vajzën dhe të njoftojnë policinë. Ajo ka hedhur dyshime se ajo mund të jetë gënjyer dhe rrëmbyer me qëllim trafikimin. Në një lidhje telefonike për emisionin "Pa Gjurmë", nëna e Kejsit Ahmetaj, me lot në sy, kërkon që kushdo që ka dijeni për vendndodhjen e tyre apo që i ka parë të lajmërojnë policinë. Ajo gjithashtu shprehet se edhe nëse vajza mund të jetë larguar vetë nga banesa të hap telefonin dhe t'u thotë të paktën prindërve që është gjallë. Nëna shprehet se Kejsi është e sëmurë dhe prej 4 ditësh nuk ka marrë mjekimet e saj për astmën.

"Vajza ime nuk ikën nga shtëpia. Dyshoj se mund të jetë rrëmbyer dhe trafikuar. Në këto momente ku nuk të shkon mendja. Ju lutem kujtdo që mund t'i ketë parë të na lajmërojë ne ose policinë, më ndihmoni të gjej vajzën. Nga kontrollet që kemi bërë në banesë kemi vënë re se mungon karta e identitetit. Kam frikë se e kanë gënjyer bashkë me shoqen dhe mund  t'i kenë trafikuar. Ata ishin shoqe që nga 9-vjeçarja dhe shtëpitë tona nuk janë larg. I bëj thirrje kujtdo të më ndihmojë ta gjejë. I bëj thirrje dhe Kejsit që nëse më dëgjon të lutem të hapë telefonin dhe të më thotë se është gjallë. Ajo është e sëmurë me astmë, dhe që prej 1 janarit nuk i ka marrë mjekimet e saj", thotë me lot në sy nëna.

Dy vajza të mitura janë larguar nga banesat e tyre më 1 janar dhe nuk janë kthyer më. Vajzat Mojna Hajdaraj dhe Kejsi Ahmetaj, të moshës 16-vjeçare, shoqe me njëra-tjetrën, janë larguar nga banesat e tyre dhe deri tani nuk ka asnjë gjurmë nga ato.

Të miturat kanë lajmëruar prindërit se do të shkonin në banesën respektive të njëra-tjetrës për të uruar Vitin e Ri, por nuk ka ndodhur dhe kjo ka qenë dhe biseda e fundit me të miturat, pasi telefoni i tyre rezulton i fikur.

Policia e Tiranës është vënë në lëvizje për gjetjen e dy të miturave si dhe ka shpërndarë fotot e tyre në pikat kufitare për të shmangur ndonjë rrëmbim dhe kalim të paligjshëm të dy adoleshenteve.

VIDEO / Emisioni i plotë 'Pa Gjurmë'

Rendit zhvillimet sipas orarit:
Ora 15:41
Del fotoja/ Kjo është 16-vjeçarja e zhdukur që prej 1 janarit në Tiranë

Report Tv ka siguruar foton e një prej vajzave e cila që prej datës 1 janar është zhdukur. Kjo është Kejsi Ahmetaj, 16-vjeçarja e cila ka humbur çdo kontakt me familjen e saj. Fotoja është publikuar ditën e sotme në emisionin 'Pa Gjurmë' në Report Tv. 

B.K./Shqiptarja.com

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Basha me kampionin e boksit Mario Cani: Shqiptarët kërkojnë mundësinë, shkëlqimin dhe suksesin e arrijnë vetë

Basha me kampionin e boksit Mario Cani: Shqiptarët kërkojnë mundësinë, shkëlqimin dhe suksesin e arrijnë vetë

26 Dhjetor, 13:25