Vitin e ardhshëm Bashkimi Evropian do të zhbllokojë fondet e IPARD, duke i dhënë mundësi fermerëve të përfitojnë mbështetje për të zhvilluar aktivitetin e tyre. Lajmi u bë i ditur në Report TV nga zëvendësministri i Bujqësisë Dhimitër Kote, në një intervistë për emisionin 'Sot Live në Shqipëri', me gazetarin Nertil Agalliu.
“Për vitin 2025, skema do të jetë funksionale. Çdo proces ka kohën e vet, ne përthithëm IPARD I dhe II, dhe presim skemën e tretë për 2025-ën, që do të jetë IPARD III”, tha zëvendësministri Kote.
Në korrik të vitit të shkuar Bashkimi Evropian vendosi të pezullojë këtë mbështetje, për shkak se IPARD II u përfshi në hetime nga OLAF, për shkak të dyshimeve për keqmenaxhim të këtyre fondeve, ndërsa më pas rezultatet e hetimeve iu dorëzuan autoriteteve të Brukselit. Në total programi IPARD II që i takon periudhës 2014-2022 ishte 94 milionë euro në total, nga të cilat 71 milionë euro ishin financime të BE. Ndërsa programi i tretë që i takon viteve 2021-2027, planifikohet në vlerën 112 milionë euro.
Sa i takon skemës Kombëtare, Kote tha se fermerët duhet të bashkohen që të asnjë të mos mbesë pa mbështetje.
“Duke ditur që 35% e fermave tona janë të vogla nja 1 deri në 10 krerë, e pjesa tjetër është komplekse sepse ka edhe ferma shumë të zhvilluara me 1 mijë krerë. Por ne kemi menduar për të dyja pjesët. I kemi thënë fermerëve bashkohuni me një akt marrëveshje të thjeshtë, sepse të tre kanë nipt, dhe bashkohuni në emrin e një fermeri”, tha Kote.
Për të dëshmuar se skema e bashkimit funksionon, Kote solli shembullin e prodhimeve në sera.
“Kur ke një prodhim nga lopët, fermerët e gjejnë gjuhën se kjo na ka dhënë rezultat tek serat. Ata kanë nga 2 dynym sera dhe janë bashkuar dhe kanë përfituar masën 4 miliardë lekë. Janë rreth 600 fermerë që kanë aplikuar në grupe të bashkuara, që bëjnë rreth 580-600 hektar sera. Këta që kanë një kulturë të njëjtë, që kanë ullinj, që mbjellin grurë, apo mollë, duhet të mbjellin një kulturë, dhe aplikojnë për të njëjtën skemë. Pagesa i shkon gjithsecilit në llogari në bazë të sipërfaqes”, tha Kote.
Zëvendësministri sqaron se ndryshe nga viti i kaluar këtë vit do të përfitojnë të gjithë aplikuesit.
“Ndryshe nga skema e vitit të kaluar, këtë vit të gjithë aplikuesit janë përfitues, nuk ka rëndësi nëse aplikove i pari apo aplikove i 5 mijti”, tha Zëvendësministri.
Numri i përfituesve këtë vit pritet të arrij në 72 mijë fermerë, dhe për to do të shpërndahet një fond prej 54 milionë dollarë.
“Pagesa do të arrijë deri në 54 milionë dollarë, dhe do të përfshihen rreth 72 mijë fermerë, rreth 10 mijë fermerë më shumë se në vitin e kaluar”, tha Zëvendësministri i Bujqësisë Dhimitër Kote.
Aplikimet për skemën kombëtare të hapura më 27 mars do të mbyllen në 19 prill, dhe vetëm në 24 orët e para kanë aplikuar mbi 10 mijë fermerë.
Komente
Lajme të tjera
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Media: Biden dhe Macron do të shpallin armëpushimin në Liban nesër! Lideri Suprem i Iranit: Netanyahu dhe ministri i tij duhet të dënohen me vdekje
25 Nëntor, 08:12 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12
Fermeri do ishte mire te aplikonte direkt , te hapet dhe ligji per 50% te hektarit per aplikim pasi shqiperia sikur mali zi etj jane vende te vogla dhe fermeri do ishte mire te kishte akses direkt te aplikonte tek fondet e EU keshtu I jep avantazh fermereve shqiptar dhe lufton burkracite
PërgjigjuKush mban pergjegjesi?
PërgjigjuI papërgjegjshmi mban gjithmonë
Do zhbllokohen nesër.
Përgjigju