Vetëm një muaj e gjysëm pasi prokuroria e posaçme SPAK, nisi funksionimin e saj për hetimin e zyrtarëve të lartë dhe individëve të krimit të organizuar në Shqipëri,kjo prokurori është kthyer në kantier ndërtimi. Godina luksoze e ndërtuar pak vite më parë me fondet e Bashkimit Europian, është kthyer në kantier me qëllim rikonstruksionin e saj të plotë në pjesën e brendshme. Paratë për këtë rikonstruksion mësohet se janë shpenzuar nga një organizatë e huaj që vepron në Shqipëri dhe që monitoron sistemin e drejtësisë Shqiptare. Këto janë pamjet ekskluzive të ambienteve të brendshme të prokurorisë SPAK, ku muret, dyshemeja dyert dhe komplet sistemi i sigurisë, sistemi elektronik, elektrik dhe ai hidrik, është hequr plotësisht, me qëllim për tu zëvendësuar me një ndërtim të ri. Momentalisht prokuroria e posaçme është në fazën e zhvendosjes totale në ambientet e gjykatës së Posaçme, dhe për këtë është dashur transferimi i komplet arkivës, zyrave të prokurorëve e materialeve të ndryshme.
Ndërkohë pritshmëritë e qytetarëve nga SPAK, janë për të hetuar dhe arrestuar zyrtarët e korruptuar dhe persona të krimit të organizuar. Pamjet që po shihni nuk ka nevojë për koment, i gjithi investimi modern i shpenzuar pak vite më parë nga Bashkimi Europian është hequr me qëllim krijimin e ambienteve të reja. “Report Tv” mëson se pikërisht në këto ambiente që po shihni, po krijohen zyrat e Byrosë Kombëtare të Hetimit, ndërsa në këto pamje të tjera që shihni në videon e siguruar eksluzivisht nga “Report Tv”, është planifikuar të krijohet salla e oficerëve të përgjimeve, të cilët do të jenë në varësinë totale të prokurorëve të SPAK. Të vetmit që nuk janë prekur deri në këtë fazë të rikonstruksionit të godinës janë ashensorët, të cilët vijojnë të jenë funksionalë. Nuk dihet ende nëse për rikonstruksionin, ka pasur një garë mes kompanive private për të kryer punime në godinë. Po ashtu nuk dihet se cili është fondi financiar për të kryer këtë rikonstruksion.
Punimet në godinën e Spak
“Report Tv” kreu një verifikim në sistemin e Agjencisë së Prokurimeve Publike, ku rezultoi se prokuroria e posaçme SPAK, nuk ka zhvilluar asnjë kërkesë tenderuese për rikonstruksionin e godinës së saj, që tashmë ka nisur nga kati i katër e duke zbritur në katet e më poshtme. Ka shumë gjasa që për kryerjen e punimeve me qëllim rikonstruksionin e godinës së SPAK-ut, të jetë lidhur një kontratë me procedurë të drejtpërdrejtë. Nga vëzhgimi i sistemit të APP-së, rezulton se procedura e parë tenderuese e SPAK-ut, është pikërisht kërkesa për blerjen e një sasie karburanti,naftë dhe gasoili, që përllogaritet në 200 milion lekë të vjetra. Kontrata 200 milionëshe synohet të lidhet nga SPAK për një afat 12 mujor me një kompani private që vepron në Shqipëri në fushën e naftës. Rezulton se tenderi është hapur në datën 17 shkurt 2020 dhe mbyllet në datën 12 mars të 2020.
Dokumenti i agjencisë së prokurimeve
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
Sepse e gjithë ndertesa ka qen nën përgjim dhe monitorim nga likja,sala dhe langojt e tyre ... Për këtë arsye këta jan duke u terbuar dita ditës... ky është fillimi i fundit të krimit
Përgjigju