POP 5

Lajmet më të lexuara të 5 minutave të fundit

Kronikë

EKSKLUZIVE/ Hetimet për privatizimet e pronave të ushtrisë, SPAK vendos në sekuestro preventive bazën detare në Sarandë

SPAK vendos në sekuestro preventive bazën detare në Sarandë. Vendimi lidhet me denoncimin e Artur Meçollarit për privatizimin e pronave të ushtrisë dhe është marrë një vendim i tillë për të mos lejuar tjetërsimin e pronës. 

Për të mos lejuar tjetërsimin e pronës së ushtrisë, në kushtet kur SPAK ka të hapur një hetim mbi procedurat e privatizimit, Report TV mëson ekskluzivisht se Gjykata e Posaçme ka vendosur sekuestro preventive mbi Bazën Detare të Limionit në Sarandë. 

Hetimi nisi pas kallëzimit në SPAK nga ish-zëvendëskomandanti i Forcës Detare, Artur Meçollari në vitin 2021 kundër vendimit të Këshillit të Ministrave, që më 1 korrik 2020 vendosi që Baza Detare Limion me një sipërfaqe të përgjithshme mbi 265 mijë metra katrorë, t’i jepej me qira për 20 vjet me tarifën simbolike 1 euro bashkimit të 2 shoqërive. Baza detare e Sarandës do të qëndrojë e sekuestruar derisa Prokuroria e Posaçme të dalë me një vendim për hetimin e nisur lidhur me  procedurat e ndjekura për dhënien me qira te privati të pronës së ushtrisë. 

Sipas kallëzim të Artur Meçollarit, plani i qeverisë për të bashkëpunuar me privatin për investime strategjike për zhvillimin e turizmit, përmban një varg shkeljesh ligjore. 

Sipas propozimit të përfaqësuesve të Forcave Detare, në Limion, veç investimit privat për interesa turizmi, shoqëritë e interesuara do të ndërtojnë edhe bazën e re detare me anë të Partneritetit Publik Privat. Por sipas Meçollatit, kjo procedurë, duhet të ndiqej jo vetëm nga Shtabi i Përgjithshëm dhe ministri i Mbrojtjes, por duhet të miratohej edhe nga presidenti, hallkë që sipas tij është anashkaluar. 

Ai pretendon se është mbajtur sekret projekti final i bazës së re, i hartuar nga Forcat e Armatosura, duke ngritur dyshime se me dijeni të zyrtarëve të lartë,  kanë urdhëruar dhe hartuar për bazën e re një projekt të dytë,  duke bërë avokaturën e shoqërive private”, siç theksohet në kallëzimin e SPAK.

Për këtë çështje ish-shefi i Shtabit të Përgjithshëm të Forcave të Armatosura, aktualisht deputet i PS-së, Bardhyl Kollçaku u paraqit të enjten në SPAK dhe u mor në pyetje bashkë me Artur Meçollarin, denoncuesin e tij. Një thirrje nga Prokuroria e Posaçme ka marrë dhe ministrja për Evropën dhe Punët e Jashtme Olta Xhaçka në cilësinë e pozicionit që ka pasur dijeni për ngjarjen dhe pritet që edhe ajo të japë versionin e saj për privatizim e bazës detare të Limionit.

1678531396_defee970304349a59429f6db8743fd28.jpg

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/03/2023 02:01

    Ky eshte turp kombetar.Ne asnje vend te botes,bazat ushtarake nuk i jepen privatit as me qira,as i shiten,bile ka disa prej tyre qe nuk lejohet t'ju afrohesh as jashte gardhit.Kurse ne Shqiperi per 32 vjet me mjetet e pronat e ushtrise eshte abuzuar keqas nga politikane hajdute qe i kane pare si pa vlere e sikur ua la babai dhe mbasi shkaterruan ushtrine tokesore,forcat ajrore e detare,iu kthyen dhe pronave te tundshme te patundeshme te tyre.SPAKU duhet te hape nje hetim super te gjere per te gjitha qirate,shitjet e privatizimet qe jane bere keto 32 vjet ne pronat usht.dhe jo vetem te perqendrohet vetem ne kete rast.

    Përgjigju
  • Sarandioti: 11/03/2023 15:20

    PORTIN E KANE MARRE KASTRATI, samir mane , dhe disa te tjer.... dhe ka 3 vjet qe jane fillu punimet po behet masaker mjedisore....PO SHTYHET DETI DUKE HEDH INERTE, SHPIVE DHE HOTELEVE AFER PORTIT DHE NE KRAH I KANE BLLOKU HYRJEN NE DETIN SHIKONI NE MAPS. SHTETI EDVINIT ESHTE.

    Përgjigju
  • vlora 1: 11/03/2023 14:11

    Plehrat.Privatizuan gjakun e popullit me 1 euro.Po ta kishin pronen e tyre do e jepnin?Ne burg te vene plehrat,se kane gjetur menyren e japin me qera dhe pastaj e privatizojne.Popull zgjohu ,mos fli gjum.Boll ke fjetur 100 vjet

    Përgjigju
  • Ylli: 11/03/2023 11:23

    Hekurat dhe prangat, Kollçakut, Xhaçkes, madje dhe Begajt po ka qene dhe ai i perfshire ne kete super-skandal.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

22 Dhjetor, 12:52