EKSKLUZIVE/ Publikohet ditari
dhe fotot e grevës së urisë së 1991

TIRANE- Suplementi “Rilindasi”, e përjavshmja kulturore e Shqiptarja.com këtë të dielë solli ditarin dhe fotot ekskluzive të ish të përndjekurve dhe të burgosurve politkë që morën pjesë në grevën e urisë së 1991.

Fotot dhe ditari janë siguruar nga Pjetër Logoreci, një veprimtar aktiv i çështjes kombëtare dhe iniciatori e protagonisti kryesor në zbulimin, eks-humimin dhe varrosjen e eshtrave të atdhetarit Dom Nikillë Koçorri në atdhe pas 94 vitesh dhe dalja në dritë e tyre vjen pak para ditës jubilare të saj, 21 shtator 1991.

Përveç publikimit të fotove të grevës së urisë që nisi më 21 shtator në ambientet e sportklub Tiranës në Rrugën e Kavajës në qendër të kryeqytetit, janë publikuar dhe lista me 90 të burgosur politikë që u futën në këtë grevë si dhe faksimile të dokumentit ku grevistët parashtruan 5 kërkesat e tyre.

Zoti Logoreci rreshton disa kujtime në respekt të kolegëve që vëndosen të vetëflijohen, për të bërë present respektimin e të drejtave njerëzore dhe për të diskretituar ideologjinë vrasëse të komunizmit.

“Ja kushtoj këtë shkrim kolegut të paharruem të ndjerit Pano Taci, i cili ishte pjesmarrës aktiv i kësaj greve, me të cilin pata shumë biseda e shkëmbime mendimesh që më vlejten ma vonë. Pas 10 ditë greve, parlamenti miratoi njëzëri një ligj gjysmak, për të cilin të përndjekunit kanë edhe sot shumë pakënaqësi dhe ndjehen të pa përfaqësuem. "- shkruan Logoreci i cili e mbyll shkrimin e tij me titull “Pranvera e Demokracisë” me shpresën që “greva kombetare e ish te perndjekurve politik, në vazhdën e lëvizjeve antikomuniste, do të zanë vend në mes të ngjarjeve të randësishme që janë të ekspozueme në muzeun kombëtar në seksionin e luftës kundër komunizmit.”  Lexo shkrimin
(sg/shqiptarja.com)

TAG:
• pano taci