Pas raundit të dytë të votimit për 4 anëtarët e tjerë të Komitetit Ekzekutiv të Federatës Shqiptare të Futbollit, pasi 5 të parët dolën nga raundi i parë, fitues u shpallën Bardhyl Minxhozi, Edvin Libohova, Enkeleid Alibeaj dhe Edmond Spahiu, me emrin e fundit që është ndërruar me kandidatin Kristian Gjidodaj, që ka kërkuar rinumërim të votave, duke pretenduar se kishte më shumë vota se Edmond Spahiu. Mashtrimi është bërë nga sekretariati i FSHF dhe këtë e konfirmon edhe Kryetari i Komisionit të Votimit, Kastriot Gurra, që flet ekskluzivisht për Report Tv.
Vetë kandidati Gjidodaj ka thënë se është bërë rinumërimi dhe fitues ka dalë ai, me 17 vota, ndërsa Edmond Spahiu rezultonte me 14 vota. Kështu, nga komisioni i numërimit është sqaruar deri të hënën do të bëhet një procesverbal, që do të zyrtarizojë Gjidodajn si anëtar të ri të Komitetit Ekzekutiv.
d.b/shqiptarja.com