TIRANE- Pas dështimit të mazhorancës dhe opozitës për të realizuar ndryshimet ligjore brenda 30 qershorit për të dekriminalizuar politikën dhe administratën publike, Komisioni Venecias u ka dorëzuar anëtarëve të Komisionit të Posaccëm Parlamentar raportin paraprak mbi përjashtimin e të inkriminuarve nga jeta politke.

Në një raport prej 29 faqesh Komisioni i Venecias thekson se përjashtimi nga jeta politike është shkelje e të drejtës për tu zgjedhur dhe për këtë arsye ajo duhet të bazohet në norma të qarta ligjore si dhe të ruaj parimin e proporcionalitetit, e thënë thjeshtë që përpara se të hiqet mandati një parlamentari apo të kufizohet e drejta për t’u zgjedhur duhet të shihet rëndësia e veprës penale personi që e ka kryer krimin dhe koha kur është kryer vepra.