Ekspertët shqiptarë: Video
Meta-Prifti s’është origjinale

Tre teknicienët shqiptarë, të cilët u thirrën nga Gjykata e Lartë për të vlerësuar autenticitetin e videos që dëshmoi korrupsionin në një dialog të rregjistruar Meta-Prifti thanë se ata nuk mund të vërtetonin nëse video ishte e vërtetë.
Artur Rrahmani, Ardian Pollo dhe Ermal Beqiri thanë se ata nuk kishin gjetur videon mbi të cilën diskutohet në orën e Dritan Priftit. Ata kishin parë aty shumë video të tjera, por jo këtë ku flitej për një shumë korruptive prej 700 mijë eurosh. Ndërsa sa i takon file-t me videon që ata panë në lap topin e ish Ministrit të Ekonomisë Dritan Prifti ata nxorrën disa probleme që çuan në përfundimin se sipas tyre video që u bë publike nga Tv Top Channel nuk ishte origjinale.

Ja disa nga motivacionet e 3 ekspertëve
1-) Në materialin e gjetur në lap top kishte disa mbivendosje
2-) Në video mund të kishte ndërhyrje të mundshme (por kjo nuk u shpjegua)
3-) Nuk ishte i mundshem kuptimi i fjaleve pasi volumi i zerit ishte nën 10 decibel
4-) Ekspertët nuk thanë se çfarë programesh kompjuterike kishin përdorur për studimin e videos
5-) Materiali nën hetim nuk u ekzaminua me orën me të cilën Prifti deklaron se ka përgjuar Metën, por në lap topin e ish-ministrit.

Eksperti amerikan: Video origjinale
Në muajin shkurt të këtij viti eksperti amerikan Glen Bard deklaroi se video që paraqiste Metën duke biseduar me Priftin nuk ishte e tjetërsuar. Ai deklaroi se procesi i tjetërsimit të një video do të ishte shumë i vështirë dhe se në lap topin e Dritan Priftit ai nuk kishte gjetur asnjë program kompjuterik që do të mund ta realizonte këtë tjetërsim.
Eksperti amerikan u kundërshtua nga avokatët e ish-zv/kryeministrit Ilir Meta dhe Gjykata e Lartë nuk e pranoi ekspertizën e tij duke caktuar tre ekspertët shqiptarë që deklaruan të kundërtën e ekspertit amerikan.