Dy raporte të publikuara këtë javë japin alarmin për një rritje të përpjekjeve për të ndërhyrë në zgjedhjet presidenciale në Shtetet e Bashkuara. Siç njofton korrespondentja e Zërit të Amerikës Veronica Balderas Iglesias, autorët e këtyre raporteve thonë se manipulimi i informacionit, dhuna politike dhe kërcënimet janë në rritje.
Votuesit amerikanë gjithnjë e më shumë janë në shënjestër të grupeve vendase, që përhapin informacione të rreme në prag të zgjedhjeve presidenciale të vitit 2024. Kjo thuhet në një raport mbi dobësitë zgjedhore të organizatës për të drejtat e njeriut, Freedom House.
“Njerëzit këtu në Shtetet e Bashkuara po përhapin teori të konspiracionit dhe informacione mashtruese mbi çështjet politike. Rreth 70% e republikanëve dhe votuesve me prirje republikane janë ndikuar nga teoria e konspiracionit se rezultatet e zgjedhjeve presidenciale të vitit 2020 ishin manipuluar. Tani, përpara zgjedhjeve të vitit 2024, ne tashmë po shohim një rishfaqje dhe mbizotërim të kësaj teorie”, thotë Kian Vesteinsson nga organizata Freedom House.
Ka gjithashtu një rritje të frikësimit dhe ngacmimit në internet të zyrtarëve zgjedhorë, si dhe dhunës politike, thekson studiuesi Kian Vesteinsson.
“Ne kemi parë kandidatë politikë që kanë përjetuar sulme të drejtpërdrejta, duke përfshirë, natyrisht, atentatin ndaj ish Presidentit Trump, gjuhën e urrejtjes dhe krimet e urrejtjes ndaj grupeve të pakicave janë në rritje”, tha ai në një intervistë me Skype për Zërin e Amerikës.
Ndërsa vetë infrastruktura e votimit mbetet e mbrojtur, sulmet kibernetike janë një burim shqetësimi, thotë zoti Vesteinsson.
“Objektivat më të pambrojtura janë infrastruktura e fushatave të kandidatëve dhe faqet e internetit që u ofrojnë njerëzve informacion për procesin e votimit”, thekson ai.
FBI-ja aktualisht po heton tentativat e dyshuara të hakerave iranianë ndaj ekipit të fushatave të zotit Trump dhe zonjës Harris.
Kompania e sigurisë kibernetike “Recorded Future” raporton gjithashtu për një rritje të operacioneve të ndikimit keqdashës nga Irani, Rusia dhe Kina. Ato përfshijnë përdorimin e inteligjencës artificiale për të prodhuar artikuj të rremë, që më pas publikohen në faqet e internetit të lajmeve të rreme që u ngjajnë atyre të mediave kryesore.
“Kjo bëhet për të futur paragjykime brenda përmbajtjes që ka një anim politik ose një prirje politike në një drejtim specifik bazuar në objektivat gjeopolitike të qeverive përkatëse dhe se si ato objektiva gjeopolitike korrespondojnë me interesat e një kandidati që mund të të fitojë zgjedhjet”, thotë eksperti i sigurisë kibernetike Sean Minor nga kompania “Recorded Future”.
Sa efektive janë ato përpjekje?
“Në këtë pikë nuk kemi të dhëna konkrete për të sugjeruar se këto operacione kanë ndikuar historikisht në rezultatet e zgjedhjeve”, tha eksperti Sean Minor në një intervistë me Skype për Zërin e Amerikës.
Megjithatë, votuesit amerikanë inkurajohen të jenë vigjilentë dhe të kujdesshëm ndaj gabimeve gramatikore ose drejtshkrimore që gjenden në artikujt dhe faqet e internetit që i hapin, që mund të jenë shenja të përpjekjeve për të imituar faqet origjinale./ VOA
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25
