/ATSH/- Vendimi i fundit i Këshillit Mbikqyrës të Bankës së Shqipërisë për të ulur në 2.00 % normën bazë të interesit për lekun, shihet me optimizëm nga ekspertët e fushës, si një lëvizje që do të nxisë ekonominë dhe stimulojë konsumin.

Ulja e normës bazë e interesit do të ulë konston e huase që qytetarët kanë marrë në banka, do rrisë kreditimin në ekonomi dhe do të shtojë konsumin.

Ekspertet e ekonomisë shprehen se ulja e normës bazë synon që nga ana e bankës qëndrore të jepet një stimul i mëtejshëm për t'i bërë fondet më të lira dhe të ndikojnë në kostot e huamarrësve, të cilët janë edhe bankat, individët dhe firmat private. Ulja e kostos së fondeve ndikon në kostot e këtyre huamarrësve.