Ekstradimi i Izet Haxhisë, Rama: Jam jashtë kësaj çështjeje, i përket drejtësisë

Reforma në Drejtësi po vijon me implementimin në terren, teksa ka filluar tashmë pastrimi i gjykatave dhe prokurorive nga punonjësit e korruptuar, ndërsa pritet të vijojë me policinë e shtetit dhe politikanët.

Mes debateve të shumta për këtë reformë dhe mënyrën sesi po aplikohet, gjatë ditës së djeshme ka mbërritur në Tiranë ish badigardi i Sali Berishës, Izet Haxhia, i ekstraduar nga Turqia, me kërkesë të autoriteteve shqiptare.

Haxhia ka edhe një luftë të hapur akuzash me ish kryeministrin Sali Berisha, të cilin e akuzuar për përfshirje në krime që kanë mbetur të pazbardhura në vendn tonë.

LEXO EDHE:
Ylli Pata: Jo më Vlora, po Shkodra: Lëvizja reale e tektonikës së politikës

Vetë Sali Berisha u kundërpërgjigj sot dhe tha se Haxhia është një kriminel i vendosur në krah të Ramës dhe që punon për interesa të tij, gjë që kryeministri e mohoi plotësisht.

Kryeministri Rama ka qenë i ftuar në Top Show ku ka folur për ekstradimin e Izet Haxhisë.

“Çfarë mund të them unë për këtë rast. Na del që unë jam e gjithë e keqja e këtij vendi edhe në rastin e Izet Haxhisë, ndërsa Sali Berisha, një njeri që populli e largoi nga puna me një milionë shuplaka, rezulton të jetë një njeri i pastër qelibar”, deklaroi Rama.

Kryeministri mohoi të ketë ndikuar te Erdogan për ekstradimin e Izet Haxhisë në Shqipëri, ndërsa shtoi se është tërësisht jashtë kësaj çështjeje, që tashmë i takon drejtësisë.

“Eshtë tërësisht qesharake për t’u menduar që unë mund të investohem për të sjellë në Shqipëri një person, që nuk e shoh që prej vitit 1992. Për fat të mirë që nuk ka qenë badigardi im. Unë jam tërësisht jashtë kësaj çështjeje, pasi i përket drejtësisë. Ai person, nëse ka diçka për të vërtetuar, le ta bëjë, ndërsa nëse i ka pasur vetëm fjalë, të heshtë”, u shpreh Rama.

TAG:
• edi rama
• Ekstradimi i Izet Haxhise

Sondazhi i ditës:

Pronat shtetërore mund të shkëmbehen me private, si e vlerësoni ligjin?

• Të drejtë

  31.3%

• Të gabuar

  57.1%

• Nuk e di

  11.5%

Vota total: 252

Votat totale janë unike

• Sondazhi i ditës:

  Pronat shtetërore mund të shkëmbehen me private, si e vlerësoni ligjin?

  Të drejtë Të gabuar Nuk e di