Ekstradimi i Seitit, Bylykbashi:
Pa u dënuar Tahiri nuk ka drejtësi 

Deputeti i PD, Bylykbashi akuzon kryeministrin Edi Rama se ekstradoi në Itali Nazer Seitin për të mbyllur dosjen e Tahirit, por pa u dënuar ish-ministri nuk do të ketë drejtësi për shqiptarët.

“Po lirohen kriminelët me vendim gjykate që të mos ekstradohen, si Durim Keçi. Ndërsa dëshmitari kyç Nazer Seiti me vendim gjykate transferohet në Itali vetëm e vetëm për të mbyllur çështjen Tahiri.

Rama po mbron Tahirin, por pa u dënuar ai dhe kriminelë të tjerë Rama nuk mund të bëjë drejtësi për shqiptarët. Kriminelët e vetë me të cilët ka ardhur në pushtet dhe mban pushtetin, Rama u siguron lirinë dhe paprekshmërinë” deklaroi ai. 

d.b/shqiptarja.com