Ekuipazhi preket me COVID-19, anulohen 4.400 fluturime në të gjithë globin për 24 orë

Rreth 4.400 fluturime janë anuluar më 1 janar në të gjithë globin, ku më shumë se 2.500 prej tyre vetëm në SHBA. Të dhënat u raportuan nga faqja e gjurmimit të fluturimeve FlightAware. Nga anulimet në SHBA, më shumë se 1000 janë nga aeroportet O'Hare dhe Midway të Çikagos.

Anulimet e fluturime kanë ardhur si pasojë e pandemisë së koronavirusit pasi personeli është infektuar me COVID. Por disa nga fluturimet në SHBA janë anuluar edhe si pasojë e motit të keq.

"Fluturimet e sotme janë anuluar pasi stafi është infektuar me COVID, por edhe për shkak të motit. Ne kemi kontaktuar me pasagjerët për t’iu thënë nëse fluturimet e tyre do anulohen për t'u dhënë kështu kohë për të rezervuar një datë tjetër ose për të bërë plane të tjera" tha United Airlines në një deklaratë.

LEXO EDHE:
Gjykata e Apelit në Nju Jork rrëzon dënimin e Harvey Weinstein

Fluturimet kanë filluar të anulohen që prej Krishtlindjeve. Nga 24 dhjetori, më shumë se 12.000 fluturime janë anuluar në SHBA.

Linjat ajrore janë përpjekur të tërheqin ekuipazhin me pagesë shtesë për të trajtuar mungesat e stafit. Por sindikatat thonë se punëtorët kanë frikë të kontraktojnë COVID ose duhet të merren me pasagjerë të zemëruar.

SHBA po përballet me një rritje të rasteve me COVID për shkak të përhapjes së Omicron. Qyteti i Nju Jorkut ka shënuar rekord rastesh me virus pavarësisht vaksinimit të lartë të qytetarëve.

SI.E./Shqiptarja.com

TAG:
• SHBA
• fluturime