POP 5

Lajmet më të lexuara të 5 minutave të fundit

Kronikë

Ekzekutimi i Bardhok Pllanajt në Shkodër, dy makina vëzhgonin lëvizjet e tij! 30 kamera sigurie të sekuestruara për identifikimin e autorëve

Me një makinë të dytë autorët e kanë ndjekur hap pas hapi Bardhok Pllanaj derisa e ekzekutuan me breshëri kallashnikovi në Shkodër. 30 kamera sigurie janë sekuestruar në aksin Shkodër Koplik që mund të çojnë në gjurmët e autorëve. Nën hetim janë edhe mjekët që lejuan më herët, përmes raporteve shëndetësore lirimin Pllanajt.

Bardhok Pllanaj i ekzekutuar me breshëri kallashnikovi në Shkodër rezulton se është vëzhguar gjatë nga autorët e krimit derisa ai ka rënë në pritën e ngritur. Përpos makinës nga ku u lëshuan 79 plumba, grupi hetimor ka identifikuar një tjetër mjet i cili ka ndjekur hap pas hapi lëvizjet e Bardhok Pllanajt. Kjo makinë është fotografuar teksa kalonte pranë Spitalit Rajonal të Shkodrës, por ende nuk ka asnjë gjurmë nga ky mjet i dytë.

Hetuesit kanë ka sekuestruar kamerat e sigurisë pranë spitalit rajonal dhe rreth 30 kamera të tjera duke filluar nga rrethrrotullimi i Dobraçit deri në afërsi të rrethrrotullimit të “Pesë Heronjve”, pjesë e aksit rrugor Shkodër-Koplik ku mendohet se janë larguar me shpejtësi autorët që ekzekutuan 46-vjeçarin Pllanaj. Shumë prej kamerave kanë qenë të pavlefshme për të ndihmuar hetimet pasi kanë qenë me pamje në trotuar dhe jo në rrugë. Hetuesit pritet të kenë në fokus edhe pikat e karburanteve në Shkodër, tek të cilat mund të jenë furnizuar autorët.

Pjesë e verifikimeve nga grupi hetimor është edhe fakti si është liruar dy herë nga burgu viktima Bardhok Pllanaj, përmes manovrave shëndetësore. Dyshime janë lidhur me diagnozat e ndryshme të dhëna në Shkodër dhe Tiranë, përmes të cilave 46-vjeçari ka mundur të marrë lirinë. Në fokus pritet të jenë mjekët që kanë firmosur diagnozat, për të kuptuar mbi vërtetësinë e tyre. Së fundi Bardhok Pllanaj ishte i angazhuar edhe në fushatë për zgjedhjet e 25 prillit.

Por teksa jemi tre ditë pas ngjarjes, askush nuk është i dyshuar. Nga tjetër hetuesit janë në pritje të rezultateve të analizimit në Laboratorin e Policisë Shkencore të gëzhojave dhe të dy kallashnikovëve të gjetura në mjetin tip “Pasat” që dogjën autorët.

Bardhok Pllanaj dhe makina e tij e bërë shosh nga plumbat

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • rranimacjoni: 07/04/2021 17:39

    daktorri bashkim kraja ja ka ba guzhin spitalin kti. tapo del pergjime daktorri rranimaxjonit tujj fol per shtat pal qefe

    Përgjigju
  • rranimacjoni: 07/04/2021 17:37

    Mjeku ranimacjonit bashkim kraja ja ka ba spitalin si guzhin

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00