POP 5

Lajmet më të lexuara të 5 minutave të fundit

Kronikë

Ekzekutimi i postierit në Kamëz, VIDEO e 'Porsche'-it të përdorur nga atentatorët! U denoncua e vjedhur në Elbasan

Autorët kryen vrasjen e postierit Lulzim Visha në Kamëz me një makinë luksoze të vjedhur të Elbasan që e dogjën në Zall Herr. Hetuesit presin ekspetizën e armëve të krimit, ndërsa ngjarja ende pa autor dyshohet se ka shkak një konflikt për pronat. Në kërkim është Ervis Lami i njohur në arratisjen e 7 të dënuarve nga burgu i Drenovës.

TIRANË- Report Tv sjell pamjet e makinës “Porsche Cayenne”, e shkrumbuar në Zall Herr, pas atentatit që iu bë postierit Lulzim Visha pasi doli nga shtëpia për në punë, mëngjesin e 24 janarit në Kamzës. Grupi hetimor ka përfunduar ekspertizën në Drejtorinë e Policisë së Tiranës, në përpjekje të gjetjes së elementëve të provave brenda saj për identifikimin e autorëve. Mjeti që konsiderohet luksoz, rezulton të jetë vjedhur kohë më parë në Elbasan, me synim përdorimin në akte kriminale, dhe për të ka pasur denoncim nga pronari. Në fokus të hetimeve do të jetë gjurmimi i hajdutit në Elbasan, përmes së cilit synohet të shkohet deri tek autorët e vrasjes brutale të 48-vjeçarit, me më shumë se 15 plumba të qëlluar. 

Me shumë interes hetuesit presin rezultatet e ekspertizës së armës automatike me silenciator dhe gëzhojave të gjetura në shtëpinë e problematikut Ervis Lami, jo shumë larg shtëpisë së viktimës, me të cilin së fundmi kishin pasur konflikt prone. Krahasimi i gëzhojave të gjetura në oborr dhe atyre në vendin e ngjarjes, përfshirë mundësia e profileve të ADN-së do të ishte decizive në dokumentimin me prova ligjore të krimit. 

Menjëherë pas krimit, efektivët nisën kërkimet në zonë kryesisht në banesa të skeduarish kriminalë për të rënë në gjurmët e autorëve. I pari që u dyshua ishte Ervis Lami, prej konfliktit me Vishën, por ai nuk u gjet në banesë, tashmë i shpallur në kërkim. Në pranga për armë pa leje përfundoi kushëriri Eduart Lami, i cili mohoi të ketë pasur dijeni për atentatit dhe konflikt me Vishën. Ervis Lamin është person me rekorde kriminale, i njohur si bashkëpunëtor për arratisjen e 7 të dënuarve  nga burgu i Drenovës në 2013-ën. Pistë tjetër vijon të mbetet edhe hasmëria, pasi në vitin 1997, vëllai i Lulzim Vishës vrau me armë një efektiv të policisë, dënim të cilin e ka shlyer.

A.Q/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?

Lajme të tjera



×

Lajmi i fundit

E para që guxoi me muralet, Fabjola Bramo rrëfen sfidat në 'Një nga Ne': Punë e vështirë për vajzat, me orë të zgjatura mbi shkallë

E para që guxoi me muralet, Fabjola Bramo rrëfen sfidat në 'Një nga Ne': Punë e vështirë për vajzat, me orë të zgjatura mbi shkallë

19 Mars, 20:23 nga Xhensila Nako