Ekzekutohet gazetari meksikan
luftonte trafikun e drogës

Detyra e gazetarit është përmes shkrimit të tij të luftoj padrejtësitë dhe të mbroj interesat e publikut.

Por kur detyra prek interesa të caktuara rrezikon edhe jetën.

Një gjë të tillë ka përjetuar gazetari meksikan Javier Valdez i cili është ekzekutuar vetëm për arsyen sepse ka shkruar për trafikun e drogën.

Persona të paidentifikuar hapën zjarr ndaj makinës së tij në qytetin ku ai jetonte.

50-vjeçari ishte vlerësuar me çmimin për Lirinë Ndërkombëtare të Shtypit nga Komiteti për mbrojtjen e gazetarëve, për artikujt e tij mbi trafikun e drogës. 

Ai është gazetari i pestë që vritet në Meksikë që nga fillimi i vitit. Vitin e kaluar, duke folur në promovimin e një libri të tij, Valdez tha: “Të jesh gazetar është njësoj si të jesh në listën e zezë”. 

“Edhe pse mund të vishesh me anti-plumb e të rrethohesh nga truprojat, bandat do të vendosin ditën kur do të të vrasin”, tha ai. 

Gjatë karierës së tij, thuajse 30-vjeçare, Valdez shkroi shumë për trafikun e drogës dhe krimin e organizuar në Meksikë, përfshirë këtu organizatën të Sinaloas. 

[gallery]22286[/gallery]


Redaksia Online
e.m/Shqiptarja.com