POP 5

Lajmet më të lexuara të 5 minutave të fundit

Sociale

Elbasan/ Argjinatura e çarë, përroi i Zaranikës kërcënim për përmbytje (VIDEO)

Përroi i Zaranikës në Elbasan vazhdon të jetë kërcënim për mijëra banorë që kanë shtëpitë në të dy anët e shtratit të përroit, veçanërisht në dimër. Shkak është dëmtimi i argjinaturës, ndërsa bashkia kërkon investime nga qeveria.

Dëmtimi i argjinaturës në përroin e Zaranikës është bërë shkak për përmbytje në disa pjesë të qytetit të Elbasanit.

Në stinën e reshjeve, prurjet shtohen ndjeshëm dhe përroi del nga shtrati duke rrezikuar dhjetra banesa pranë shtratit të përroi, përgjatë 5.2 kilometrave të gjatësisë së tij.

Drejtori i zyrës së emergjencave Ndriçim Sinani shprehet se Bashkia e Elbasanit, vit pas viti ka ndërhyrë aty me investime për të minimizuar rrezikun, por nuk ka rezultat pasi janë mbi 10 çarje në argjinaturë.

"Përroi i Zaranikës është shqetësim i kahershëm pasi është ndërtuar rreth viteve 70 dhe ka humbur funksionin për të cilin është ndërtuar. Diga është tejmbushur dhe gjithë materiali i ngurtë që është grumbulluar mbi të shkarkon në shtratin e përroit Zaranik dhe herë pas hershme të kemi hapje gropash me gjatësi nga 10  - 20 metra kur gjatësia totale është 200 metra. Pra janë 10 gropa të hapura në të dy brigjet e përroit të Zaranikës" tha Sinani.

Ky përrua ka qenë pjesë e inventarit të Bordit të Kullimit pranë Ministrisë së Bujqësisë, por disa vite më parë kaloi në inventarin e Bashkisë së Elbasanit. Kjo e fundit nuk ka fonde për investime madhore, ndaj sytë i ka nga Qeveria.

Drejtori i Emergjencave tha se për zgjidhjen përfundimtare kërkohet investim nga Qeveria me vlerën e 5 milionë eurove, tha Ndriçim Sinani drejtori i emergjencave.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35