Elbasan- Ka dështuar sërish seanca gjyqësore ndaj Dritan Dajtit, i dënuar me burg të përjetshëm për vrasjen e 4 oficerëve të Policisë së Shtetit në aksion, në vitin 2009 në Durrës.
Seanca u shty pasi Gjykata e Elbasanit e pati të pamundur të realizojë lidhje me videokonferencë me IEVP Peqin, e nga ana tjetër Drejtoria e Përgjithshme e Burgjeve nuk mori përsipër shoqërimin e Dritan Dajtit në ambientet e gjykatës për arsye sigurie.
Gjykata sqaroi sot (27 Janar) se Burgjet kthyen përgjigje se nuk realizonin dot shoqërimin për shkak të rrezikut të arratisjes, por nuk realizuan gjithashtu as kushtet për realizimin e video-konferencës, edhe pse ishin njoftuar që në datën 9 Janar. Në këto kushte, gjyqtarja Suela Lika shtyu seancën për më 12 Shkurt, duke kërkuar nga Burgu i Peqinit realizimin e një prej dy formave për realizimin e saj.
Dritan Dajti kërkon gjithashtu gjykatës konstatimin dhe deklarimin e pamundësisë së vënies në ekzekutim të vendimit të Gjykatës së Krimeve të Rënda, pasi ky vendim sipas tij, është i pavlefshëm pasi mungojnë nënshkrimet e katër anëtarëve të trupit gjykues. Kërkesa u depozitua në muajin Shtator të vitit të kaluar.
Dajti pretendon se ka përfunduar dënimin në 17 Gusht të vitit 2024 dhe po mbahet në qeli pa të drejtë. Në të kundërt thotë Dajti, gjykata të vendosë në dispozicion urdhrin e ekzekutimit për dënimin me burgim të përjetshëm, urdhër i cili, sipas tij, nuk ekziston. Rekursi i tij u rrëzua nga Gjykata e Lartë kohë më parë.
Dritan Dajti akuzohet për masakrën e 7 Gushtit të vitit 2009 në ‘Plazhin e Durrësit’, ku u vranë dëshmorët e policisë; Fatos Xhani, Sajmir Duçkollari, Altin Dizdari, Kastriot Feskaj.
Ngjarja cilësohet si ndër më të rëndat për forcat e policisë. Dajti së bashku me personat që e shoqëronin ju përgjigjën me armë skuadrës së policisë që kishte shkuar për arrestimin e tij.
Nga një seancë gjyqësore ndaj Dritan Dajtit, në Elbasan
Gjykata e Elbasanit reagoi sot për shtyrjen e seancës së radhës gjyqësore ndaj Dritan Dajtit, pasi nuk u realizua as video-konferenca nga Burgu i Peqinit, por as transportimi i tij në Gjykatë për shkaqe të sigurisë, pasi dyshohej se mund të arratisej.
Institucioni sqaron se seanca u shty për shkak se Burgjet nuk realizuan asnjë nga dy format që të mbahej ajo në kushtet e garantimit të të drejtave ligjore të Dajtit, i cili kërkon të njihet dënimi i lehtë dhe jo ai i burgut përjetë, si dhe t’i llogariten vitet e dënimit, pasi pretendon se e ka vuajtur.
Gjyqi drejtohet nga magjistratja Suela Lika, e cila pasi konstatoi se Burgu u Peqinit, i njoftuar më parë, nuk kishte realizuar kushtet për video-konferencë dhe as transportimin e Dajtit në Gjykatë për prezencë, vendosi shtyrjen e seancës për në datën 12 Shkurt të këtij viti.
Gjykata thekson se Burgjet ishin vënë në dijeni prej datës 9 janar për seancën dhe marrjen e masave.
“Gjykata është njoftuar nga Drejtoria e Përgjithshme e Burgjeve për pamundësinë e shoqërimit të shtetasit Dritan Dajti në ambientet e Gjykatës për arsye sigurie, në lidhje me informacione sensitive të dhëna nga Agjencitë Ligjzbatuese, mbi dyshimet për arratisjen e tij. Gjykata duhet të njoftohet paraprakisht për realizimin e lidhjes audio-vizive nga Institucioni i Ekzekutimit të Vendimeve Penale, i cili konfirmon marrjen e masave për realizimin teknik të lidhjes audio-vizive me Gjykatën, në datën dhe orën e caktuar të njoftuar paraprakisht për gjykim. Por nuk është paraqitur asnjë përfaqësues ligjor nga Burgu i Peqinit”, konstaton Gjykata në deklaratën zyrtare të lëshuar sot.
I është lënë përsëri detyrë Burgjeve që të realizojnë masat për seancën e 12 Shkurtit, në orën 11:00 për Dajtin dhe zhvillimin e saj.
Komente
Lajme të tjera
-
Gjykata e Elbasanit: Seanca e Dajtit u shty për në 12 Shkurt, Burgu i Peqinit nuk realizoi video-konferencën! S’u bë as shoqërimi, kishte rrezik arratisjeje
27 Janar, 15:15 -
Vota e Diasporës/ Ambasadori spanjoll nga Elbasani: Emigrantëve duhet t’u jepet mundësia që të votojnë, e rëndësishme (VIDEO)
27 Janar, 14:58
-
‘Destinacion që të lë pa frymë’, të dashuruarit pas dëborës gjithnjë e më shumë në Fushë-Studën në Librazhd
26 Janar, 14:02
-
Blushi i PL sulmon SPAK nga Elbasani: Dumani vegël qorre e Ramës, nuk hetoi krimet elektorale! Do ngremë Ministrinë e Diasporës pas 11 Majit
25 Janar, 16:50 -
E DHIMBSHME/ Gruaja me nanizëm me lot në sy: Zot mos e provoftë njeri vuajtjen time! Dua një shtëpi, e të vdes rehat
25 Janar, 14:11
-
Aksident i trefishtë në Elbasan, makinat përplasen me njëra tjetrën
24 Janar, 12:00 -
Elbasan, taksistët në protestë kundër Kryebashkiakut: Favorizon kompaninë e taksive elektrike
24 Janar, 10:31
-
Trafik kokaine nga Amerika e Jugut në Europë, Gjykata lë në burg 3 prej të arrestuarve të klanit Çela! Udhëzimet për drogën në Itali i jepnin nga Elbasani
23 Janar, 18:09 -
Vrau kamerierin, Gjykata e Elbasanit dënon në mungesë me 17 vite burg Erjon Llapushin
23 Janar, 14:03 -
Si të mbroheni nga Gripi A H1N1, lë pasoja në mushkëri! Flasin për Report TV mjekë dhe epidemiologë: Urgjencat janë plot me të sëmurë, duhet të izoloheni 3 ditë
22 Janar, 14:13
-
SPAK ‘depërton’ edhe në botën e monedhave virtuale, Çopjave të Elbasanit u sekuestrohen 10 mln dollarë kriptovaluta e dhjetëra pasuri të tjera
22 Janar, 11:22
-
Zgjedhjet e 11 majit/ KQZ tregon se sa të mbyllura do të jenë listat: Për çdo parti, 46 deputetët e parë janë të fiksuar
21 Janar, 17:09
