POP 5

Lajmet më të lexuara të 5 minutave të fundit

Kronikë

Elbasan/ U lidh nga gruaja dhe u la pa ushqim, 47-vjeçari transportohet me urgjencë në spital (VIDEO)

Bashkëshortja e 47-vjecarit, e cila është larguar nga banesa fill pasi e ka lidhur atë, është shpallur në kërkim nga policia, ndërkohë që, ende nuk dihen motivet të cilat e kanë shtyrë atë drejt këtij veprimi.

ELBASAN- Një person, i gjendur në banesë i lidhur dhe në gjendje të rëndë shëndetësore, është transportuar me urgjencë për në spital. Report Tv mëson se bëhet fjalë për Gentjan Llalla, 47 vjeç.

Gentjan Llalla është lidhur me litarë përpara disa ditëve nga bashkëshortja Merushe Llalla dhe kësisoj, ai nuk ka arritur as të ushqehet. Ata që e kanë hasur situatën kanë qenë pikërisht fqinjët, të cilët pasi kanë nuhatur një aromë të keqe nga banesa e Gentjan Llallës i janë drejtuar kësaj të fundit, ku kanë gjetur 47-vjeçarin në një gjendje mjaft kritike. Ata kanë lajmëruar menjëherë më pas policinë e urgjencën.

Sa i takon bashkëshortes e cila është larguar nga banesa, Merushe Llalla tanimë është shpallur në kërkim nga policia. Ende nuk dihen motivet të cilat e kanë shtyrë atë drejt këtij veprimi, por fqinjët e tyre të pyetur jashtë kamerës kanë thënë se çifti jeton në skamje prej vitesh. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dyshime për sabotim pas dëmtimit të kabllos nënujore elektrike në Detin Baltik

Dyshime për sabotim pas dëmtimit të kabllos nënujore elektrike në Detin Baltik

26 Dhjetor, 21:06