Elbasan- Mashtroi pronarin e një ferme bagëtish se do ndërmjetësonte blerjen e gjësë së gjallë te persona të tjerë me shifrën mbi 40 mijë euro, por pas zhvatjes humbi gjurmët.
Policia e Elbasanit njoftoi sot (30 Janar) se lokalizoi dhe prangosi 34-vjeçarin e shpallur në kërkim për mashtrim me pasoja të rënda, Neritan Dobra.
“Specialistët e Seksionit për Hetimin e Krimeve Ekonomike dhe Financiare të DVP Elbasan, në kuadër të operacionit policor të koduar “Ndërmjetësi”, kanë kapur dhe ndaluar shtetasin N. D., 34 vjeç (Neritan Dobra)”, njofton policia vendore.
![]()
Ai dyshohet se i ka marrë një 43-vjeçari, pronar i një ferme bagëtish, rreth 40500 euro, për të ndërmjetësuar për blerjen e bagëtive nga disa shtetas të tjerë me këtë vlerë.
“34-vjeçari nuk ka ndërmjetësuar sipas marrëveshjes, por pasi ka marrë shumën e eurove është larguar”, sqaroi policia.
Gazetari i Report TV, Ronaldo Gjoshi, informon se hetimet janë ende aktive dhe do jetë Prokuroria që do bëjë zbardhjen e plotë të ngjarjes dhe rrethanave.
A.Q/Shqiptarja.comKomente

