Elbasan, mbante në banesë një kallashnikov, arrestohet 48-vjeçari, i dënuar edhe më parë për dhunë në familje

Një 48-vjeçar është arrestuar nga policia në Elbasan pasi iu gjet në banesë dhe iu sekuestrua një armë zjarri kallashnikov.

Shërbimet e Komisariatit të Elbasanit kishin siguruar informacione se shtetasi K.R., banues në Elbasan mbante armë në banesë.

Ky rast u ndoq në bashkëpunim me Prokurorinë e Elbasanit dhe më pas u finalizua si operacioni policor ‘Recidivist’.

Në banesën e 48-vjeçarit në lagjen ‘Skënderbej’ u gjet nga policia dhe u sekuestrua në cilësinë e provës materiale një armë zjarri kallashnikov.

'Në kuadër të këtij operacioni, në banesën e shtetasit K. R., në lagjen "Skënderbej", shërbimet e Policisë gjetën dhe sekuestruan në cilësinë e provës materiale një armë zjarri kallashnikov.

Në vijim të veprimeve procedurale për këtë rast, u arrestua në flagrancë shtetasi K. R., 48 vjeç, për veprën penale "Mbajtja pa leje dhe prodhimi i armëve, armëve shpërthyese dhe municionit".', thuhet në njoftimin e policisë.

K.R. u vu në pranga për veprën penale të ‘Mbajtja pa leje dhe prodhimi i armëve, armëve shpërthyese dhe municionit’. Ndërkohë materialet proceduriale i janë kaluar Prokurorisë.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Alban Daci: Dorëzimi politik përballë një vendimi juridik

Alban Daci: Dorëzimi politik përballë një vendimi juridik