Elbasan-Një 27-vjeçar është vendosur në pranga nga policia e Elbasanit pasi përplasi për vdekje me makinë një këmbësor.

Aksidenti fatal për 62-vjeçarin u shënua një ditë më parë në rrugën “Urakë-Katjel”.

“Specialistët e Qarkullimit Rrugor arrestuan në flagrancë shtetasin R. A., 27 vjeç, pasi mbrëmjen e djeshme, në rrugën “Urakë-Katjel”, duke drejtuar automjetin, ka aksidentuar shtetasin Q. M., 62 vjeç, këmbësor, i cili për pasojë ka humbur jetën”, njoftoi sot policia.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.