POP 5

Lajmet më të lexuara të 5 minutave të fundit

Kronikë

‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)

Shtatë pedagogë të fakultetit të Edukimit në Elbasan janë arrestuar pasi prokuroria ka gjetur prova se ata merrnin ryshfet nga studentët për notën kaluese.

ELBASAN- Shtatë pedagogë në fakultetin e Shkencave të Edukimit në Universitetin ‘Aleksandër Xhuvani’ janë arrestuar. Policia dhe Prokuroria e Elbasanit zbarkoi paraditen e sotme, 1 nëntor, në fakultetin e Shkencave të Edukimit, ndërsa 7 pedagogët janë pezulluar edhe nga detyra.

Pas një hetimi disamujor organi i akuzës ka zbuluar se pedagogët vendosin nota kaluese kundrejt ryshfetit. Në hetim për korrupsion janë pedagogët Ornela Bilali, Zyhra Gripshi, Adrian Shëngjergji, Beatriçe Gani, Edlira Gugu, Florinda Tarusha dhe Monika Hodaj. Në burg është lënë edhe sekseri Gazmend Hodaj.

7 pedagoget gjatë gjithë ditës së sotme kanë qenë të shoqëruar në ambientet e policisë dhe tashmë me urdhër ndalimi të prokurorit janë dërguar në paraburgim.

Prokuroria konfirmon se në materialet e sekuestruara ka gjetur prova të mjaftueshme materiale si para, fletë provimi apo biseda telefonike. Mësohet gjithashtu se pedagogeve u janë sekuestruar edhe telefonat dhe gjithashtu në pyetje do të merren edhe studentë.

Dyshohet se ata kanë shfrytëzuar postin për të ndikuar si tek pranimet e reja ashtu edhe tek nota kaluese e studentëve të mësuesisë. Lidhja mes pedagogëve dhe studentëve kryhej nga shtetasi Gazmend Hodaj, i cili luante rolin e sekserit.

Pedagogët përfitonin nga studentët shuma parash që varionin nga 150 deri në 500 euro. Hetimet mësohet se kanë nisur gjatë sezonit të vjeshtës, pasi studentët kanë denoncuar marrjen e ryshfetit përkundër notës kaluese. Pedagogët nën hetim për korrupsion pasiv janë pezulluar nga detyra.

Emrat e pedagogëve të pezulluar:
1. Ornela Bilali, Lënda: Arti dhe krijimtaria në fëmijërinë e hershme.
2. Zyhra Gripshi, Lënda: Puna me familjen dhe komunitetin.
3. Adrian Shingjergji, Lënda: Edukimi motorrik dhe lojërat lëvizore.
4. Beatriçe Gani, Lënda: Të mësuarit nëpërmjet lojës.
5. Edlira Gugu, Lënda: Letërsi për fëmijë.
6. Florinda Tarusha, Lënda: Filozofi e edukimit.
7. Monika Hodaj, Lënda: Edukim gjinor ne fëmijërinë e hershme.
 8. Gazmend Hodaj, sekser

S.B/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Teo: 02/11/2024 05:11

    Pse ka universitet Elbasani? Vertet mendoni se aty behet mesim. Keto Universität duheen mbyllur se shkaterruan tregun e punes. I moren me qafe te rinjte duke I genjyer se keni Diplome, kur mund te punonin diku tjeter.

    Përgjigju
  • Iris: 02/11/2024 01:23

    Dhe te vjen te qeshesh kur lexon lendet per te cilat duhej sekser e 500 euro per nje note kaluese,apo provim! Imagjinoni tani cfare behet ne te gjithe universitetet,jo vetem te ky i Elb. per lende me te vertete te veshtira, si shkencat ekzakte! Nuk e kane fajin vetem profesoret,por dhe nxenesit qe nuk mesojne.Si ka mundesi te katandisesh per note kaluese me mik e euro nga pas, per lende te tilla si/Arti dhe krijimtaria ne femijerine e hershme/,/Te mesuarit nepermjet lojes/,apo /Edukimi gjinor ne femijerine e hershme/,per te mos folur per te tjerat??!!

    Përgjigju
  • Mali: 02/11/2024 01:00

    Lajm sa per te thene.

    Përgjigju
  • Po mër po: 02/11/2024 00:23

    Më në fund

    Përgjigju
  • Lake Bubulake: 01/11/2024 16:19

    Me ne fund u njoh dhe mediatikisht si sekser Gazmend Hodaj Ka vite qe lokali i ketij ka qene cerdhe pazaresh dhe treg sekserlleqesh

    Përgjigju
  • jola: 01/11/2024 15:40

    Po i marrin për ca muaj mënjanë, pastaj i fusin prap në punë, siç bënë edhe në Shkodër.. Vetëm fasadë... uk besojmë më

    Përgjigju
  • Linda: 01/11/2024 14:56

    Po ne fakultet e Tiranes kur do e bejne?? Profesoret jane shnderruar ne aktivista per te zhvatur lek nga disa programe te vecanta! Te hetohen dhe profesoret qe kembejn noten me privilegje te vecanta nga studentet!!

    Përgjigju
    • Toni: 01/11/2024 17:20

      e kishe fjalen per privilgje seksuale ... apo? Ne fakt ka dhe shume gjera te vecanta qe kerkojne profesoret. te gjithe profesoret jane te orientuar nga leku, qofte ky direkt nga studentet apo nga projekte europiane qe nuk shkojne asgjekundi ndersa financiarisht kompensojne direkt ne xhep rrogat e pedagogeve (qe nuk jane dhe te keqija si rroga dreqi e mori). Nje kalbje totale e gjithe edukimit me nje fasade te ndriteshme se helbete fasada duhet. Nje prodhim kallp(dhe shume i bollshem) shkencor per te mbushur mendje se aty punohet. Nderkohe shume pak vete dine matematike e bejne gjetje ose siperfaqesore ose shume te pergjitheshme, ose analizojne cfare kane bere te tjeter per te dhene dhe ata pa-truresine e tyre (o zot ...).

  • Tani: 01/11/2024 11:50

    Bravo prokuroria, por keta jane peshq te vegjel. Hetoni rektorin, super i korruptuar me miliona euro pasuri. Hetoni dekanet, pedagoget e ekonomikut dhe super te korruptuarin kancelarin te cilit vetem vila i kushton 1 milion euro.

    Përgjigju
    • Lake Bubulake: 01/11/2024 16:20

      Rektori ka 15 vite aty qe kontrollon ai peqinsi i shemtut

    • LORA: 01/11/2024 14:06

      Ekzakt,Tani.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23