POP 5

Lajmet më të lexuara të 5 minutave të fundit

Sociale

Elbasan/ Virozat mbushin Pediatrinë, 100 vizita në ditë! Mjekja: Shkaktojnë bronkopneumoni te fëmijët

Të shumtë janë fëmijët në Elbasan, kryesisht të moshës 1 deri në 5 vjeç që paraqiten tek mjeku për shkak të virozave që shkaktojnë edhe ftohje të rëndë. Mjekët thonë se përpos vizitave, është rritur dhe numri i shtrimeve në spital.

Virozat janë shumë të përhapura tek fëmijët gjatë vjeshtës. Në ditët e para të nëntorit sidomos vihet re fluksi i lartë në pediatrinë e Elbasanit, me rreth 100 vizita në ditë, kryesisht grupmosha 1 deri në 5 vjeç është më e prekur.

“Në këtë fillim nëntori numri i paraqitjeve mbetet i lartë, rreth 100 vizita në 24 orë. Njëkohësisht rritje dhe numrit të shtrimeve në spital”, u shpreh Irena Palloshi, shefe e Pediatrisë në Elbasan.

Shefja e pediatrisë shton se virozat në disa raste lënë pasoja tek fëmijët, siç është brokopneumonia etj.

“Fëmijët që marrim mjekim ambulator janë fëmijë të shkollave e kopshteve që paraqiten me temperarurë dhe të vjella. Po kështu ka raste me asma, bronkoplomoni, shton mjekja, duke theksuar se këto ditë është rritur sëmundshmëria dhe tek bebet 0-1 vjeç", tha Irena Palloshi.

Mjekja apelon prindërit të tregojnë kujdes me higjienën dhe ushqyerjen e fëmijëve.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Economic Times': Shqipëria mes vendeve ideale evropiane për të vizituar në 2025

'Economic Times': Shqipëria mes vendeve ideale evropiane për të vizituar në 2025

24 Nëntor, 07:20