Tre persona nga e njëjta familje kanë mbetur të asfiksuar si pasojë e gazrave që lëshon prushi të cilën e përdornin për tu ngrohur.
Xhevit Shoshi 61 vjeç, Efigjeni Shoshi 53 vjeç dhe vajza e tyre 33- vjeçare Eriselda Shoshi janë paraqitur në orën 00.30, në kirurgjinë e Elbasanit në gjëndje të rëndë për jetën si pasojë asfiksimit nga mangalli që përdornin për tu ngrohur të cilin e kishin lënë në mes të dhomës në banesën e tyre private në lagjen 28 Nëntori në Qytetin e Elbasanit.
3 të asfiksuarit kanë mbërritur në gjëndje të rëndë në Spitalin e Elbasanit dhe falë ndërhyrjes në kohë të mjekëve ia kanë dalë të kalojnë rrezikun për jetën.
![](https://shqiptarja.com/template/img/NO_ALFA_Kuadrate shqiptarja.png)
Ato kanë mundur ta evidentojnë situatën dhe menjëherë kanë kërkuar ndihmë duke u transportuar me urgjencë drejt Spitalit Kirurgjik ku dhe kanë marrë ndihmën e parë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)