POP 5

Lajmet më të lexuara të 5 minutave të fundit

Sport

Eliminimi nga Kupa shmang derbin, Partizani dhe Tirana humbin të ardhura të majme

Eliminimi Partizanit nga Kupa e Shqipërisë ka sjellë përçarjen e parë mes klubit dhe tifozëve, të cilët kanë reaguar ndaj situatës në kampin e kuq.

Ndryshe nga vitet e fundit këtë herë në statusin e kampionit të Shqipërisë pritej që Partizani të tregohej një skuadër serioze në Kupën e Shqipërisë, aq më tepër që shorti në çerekfinale i kishte rezervuar derbin me Tiranën. Kjo nuk u arrit pasi ekipi i drejtuar nga Sormani pavarësisht fitores 3-1 në ndeshjen e kthimit u eliminua në 1/8 si pasojë e humbjes 3-0 në ndeshjen e parë në transfertë kundër Besëlidhjes.

Ky eliminim ka sjellë edhe reagimin e ashpër të tifozëve ultras, ‘Ultras Guerrils’, të cilët i drejtohen skuadrës dhe drejtuesve duke u thënë se ‘Kupa u mbush’. Sipas Guerrilsave Partizani në çdo sezon e ka përdhosur Kupën e Shqipërisë, ndërsa në sfidat e fundit ekipi ka qenë i shpërfytyruar.

Përveç aspektin rezultativ Partizani me eliminimin nga Kupa ka humbur edhe disa të ardhura të majme. Në rast se do të kalonte në çerekfinale me Tiranën, dy takime të cilat me shumë gjasë do të luheshin në Air Albania, fitimet do të ishin më se të kënaqshme duke patur parasysh nivelin e futbollit shqiptar.

Në derbin e 13 dhjetorit stadiumi ‘Air Albania’ ishte thuajse në kapacitetin maksimal, pasi të pranishëm ishin 19 mijë e 32 tifozë, në një kohë kur një pjesë e tribunës ishte e mbyllur për shkak siguria. Duke patur parasysh çmimet e biletave fitimet kanë qenë mjaft domethënëse për një skuadër shqiptare pavarësisht se në rastin konkret Partizani një pjesë të të të ardhurave i dha për të prekurit nga tërmeti.

Gjithsesi futbolli është i bukur pasi gjithmonë rezervon surpriza. Në çerekfinale tani Tirana do të përballet me Besëlidhjen trajneri i të cilëve dje pas takimit me Partizanin u shpreh se ‘nuk prishet bukuria e Kupës se s’ka derbi’.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

22 Janar, 19:02