Receta

Ëmbëlsirë e shpejtë me krem në petë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Korrik 2023, 11:42 | Përditesimi: 7 Korrik 2023, 11:45

Ëmbëlsirë me krem në petë

Përbërësit:

750 ml qumësht
180 gr sheqer
70 gr miell misri i hollë
Lëkura e 1 limoni
40 gr gjalpë i ftohtë
3 të verdha veze
1 bustinë vanilje
Pak kripë
5 petë të gatshme
Gjalpë për spërkatjen e petëve

Për servirje:

LEXO EDHE:
Pulë e mbushur nga zonja Albana

Sheqer pluhur
Kanellë

Përgatitja:

Në një tenxhere vendosim qumështin së bashku me sheqerin dhe e lëmë në temperaturë mesatare. Sapo qumështi të marrë valë shtojmë miellin e misrit duke e trazuar derisa masa të lidhet dhe të bëhet e njëtrajtshme. Më pas shtojmë vaniljen, lëkurën e limonit dhe gjalpin e ftohtë duke e trazuar me tel dore. Në fund shtojmë vezët një e nga një duke i trazuar. E mbulojmë kremin me një membranë dhe e lëmë të ftohet në frigorifer.

Në një tavë shtrojmë petët e holla të gatshme të spërkatura me gjalpë. Vendosim kremin e përgatitur, e mbulojmë kremin me dy petë dhe e vendosim ëmbëlsirën të piqet në furrë në temperaturën 180 gradë. Pasi të piqet e lëmë të ftohet, e presim në copa të vogla dhe e servirim spërkatur me sheqer pluhur dhe kanellë.

MC/Shqiptarja.com

TAG: