POP 5

Lajmet më të lexuara të 5 minutave të fundit

Sociale

Certifikohen 443 kursantë të Akademisë së Sigurisë! Kristiana, kursantja më e mirë e Akademisë, sot police! Nano: Mos zgjidhni rrugën e shkurtër, por të drejtë

443 kursantë të Akademisë së Sigurisë u certifikuan për Patrullën e Përgjithshme. Më e mira mes tyre është Kristiana Sheqi, e cila e ka pasur ëndërr që në vegjëli. Drejtori i Policisë së Shtetit, Gledis Nano, inkurajoi efektivët e rinj për përkushtim dhe kryerje të çdo veprimi bazuar mbi interesat e vendit

Kristiana Sheqi u shpall kursantja më e mirë, në mesin e 443 kolegëve të tjerë që morën zyrtarisht certifikimin në Policinë e Shtetit, në Patrullë të Përgjithshme. Një ëndërr që në vegjëli e bërë realitet.

 “Unë jam përkushtuar, kjo ka qenë ëndrra ime, policia ka qenë ëndrra ime që e vogël dhe tani që e kam realizuar, do t’i shërbej vendit tim me përkushtim. Unë do të ftoja edhe kolegët e mi për të dhënë më të mirën nga vetja në qëllimin që kemi”, thotë studentja e diplomuar.

Mes paragjykimeve se një grua nuk mund t’ia dalë në polici, Kristjana e ka gjetur burimin e forcës tek familja.

 “Unë kam pasur mbështetjen e të gjithë familjarëve dhe njerëzve të mi, të cilët më kanë mbështetur, më kanë dhënë më shumë motivim për t’ia arritur kësaj dite sot dhe për të vazhduar karrierën në Policinë e Shtetit”, shprehet oficerja e re e policisë, Kristiana Sheqi.

Mesazh të rëndësishëm për 443 kursantët e certifikuar dha kryepolici Gledis Nano, i cili nuk kurseu këshillat.

 “Punonjësi i policisë është shërbëtor i komunitetit dhe jo padroni i tij, se punonjësi i policisë është gardian i ligjit dhe jo shkelës i tij. Pyesni gjithmonë veten për çdo veprim, a është në përputhje me vlerat morale, a është në interesin e vendit? Ndërtoni të ardhmen tuaj duke zgjedhur jo rrugën më të shkurtër dhe më të thjeshtë, por rrugën e drejt dhe atë që iu rrit profesionalisht...Numrin e telefonit”, deklaroi kryepolici Nano.

Brezi i ri i efektivëve janë shpresa e bluve për të ndryshuar imazhin dhe forcuar strukturën.

 “Policia e Shtetit ka një pritshmëri të lartë nga ju. Edhe komunitetit gjithashtu, pret më shumë nga ju, punë dhe ndershmëri, jeni e ardhmja e kësaj policie”, përfundoi Mema, drejtor i Akademisë së Sigurisë

443 efektivët e rinj do të emërohen në 12 qarqet e vendit, ndërsa kanë kaluar faza të shumta trajnimi fizik dhe psikologjik për të merituar spaletën e Policisë së Shtetit.

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Redi: 30/12/2021 15:15

    Kur shikon podiumin menbarkederrat Voci dhe Rrumbullaku, e kupton se si do jete policia per 20 vitet e ardhshme. Nese sot eshte ne nivelin 120% e korruptuar, 20 vite me pas e cojne 220%.

    Përgjigju
  • soni: 30/12/2021 10:54

    Telefonin tim do ta gjeni te hapur... muahahahahahahah

    Përgjigju
    • Agjenti: 30/12/2021 12:45

      Ka humor shefi ????????

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça