Në Portin e Vlorës, mbi 1 000 pasagjerë u nisën drejt Italisë me tragetin Vlorë-Brindisi.

Ata tregojnë përvojën personale të pushimeve në vendlindje.

“Çmimet e larta dhe shpenzimet e konsiderueshme e kanë bërë këtë fundvit më të vështirë për pushime”, thonë ata.

Deti i trazuar dhe dallgët e forta kanë sjellë vështirësi në ankorimin e tragetit në port, duke u nevojitur ndihma e rimorkiatorëve.

Kompania njofton se sot lundrimet vijojnë normalisht ndërsa gjatë ditës së dielë do të informojë për çdo ndryshim të mundshëm të orarit për shkak të motit.

Sipas autoriteteve portuale, fluksi i udhëtarëve pritet të vijojë per 2-3 ditë, ndaj është  rritur numri i sporteleve dhe efektivëve në portin e Vlorës.