POP 5

Lajmet më të lexuara të 5 minutave të fundit

Kronikë

Emigrantët kthehen për festa, 5 tragete në ditë nga Bari e Ankonat! Porti i Durrësit masa për fluksin, 20 pika kontrolli në terminal

Pesë tragete lundrojnë nga Bari dhe Ankona drejt Durrësit e anasjelltas për të përballuar fluksin e shtuar të emigrantëve që po vijnë në vendlindje për festa. Kapiteni i Portit të Durrësit tha se janë hapur 20 pika kontrolli për të shmangur radhët në terminalin e pasagjerëve

Durres - Festat e Krishtlindjes dhe Vitit të Ri rikthejnë emigrantët pranë familjeve të tyre. Për këtë arsye, porti i Durrësit ka marrë masa për rritjen e kapaciteteve. Gjithashtu tragetet e linjës Durrës-Bari nisin lundrimet e dyfishta për të përballuar fluksin e udhëtarëve.

“Dy tragete kanë ardhur në mëngjes nga Bari dhe kanë sjellë mbi 2 mijë pasagjerë dhe dy tragete të tjerë pritet të vijnë në mbrëmje. Ndërsa të premten dhe të shtunën do të mbërrijnë 5 tragete të linjave Durrës-Bari dhe Durrës-Ankona”, tha Kapiteni Portit Durrës, Tauland Allka.

Ndërsa në terminal janë hapur 20 pika për kontrollin e pasaportave në mënyrë që të mos krijohen radhë pritjeje.

Në ndryshim nga muajt e verës, pritet një fluks më i vogël udhëtarësh i cili do të jetë i përqendruar në hyrje përgjatë 10 ditëshit të fundit të këtij viti, ndërkohë që në ditët e para të janarit pritet të nisë fluksi në dalje.

Rreth 770,000 pasagjerë dhe 265,000 automjete kanë udhëtuar nga porti i Durrësit përgjatë 11 muajve të vitit 2023. Përgjatë periudhës janar-nëntor janë regjistruar 24,922 pasagjerë më shumë se 11 mujori i vitit paraardhës.

Tragetet gjatë periudhës Janar-Nëntor 2023 kanë kryer gjithsej 919 lundrime me linjat nga Porti i Durrësit drejt Barit, Ankonës dhe anasjelltas, duke kryer kështu 35 lundrime më shumë se e njëjta periudhë e vitit 2022.

Në prag te festave ka një rritje të lehtë te fluksit edhe në Portin e Vlorës, aty ku mbërrin çdo ditë trageti nga porti i Brindizit. Këtë të enjte erdhën 256 pasagjere dhe 60 automjete, ndërsa në ditët në vijim pritet të ketë rritje, tha Festim Skendaj Shef i përpunimit te trageteve. Aktualisht operohet me dy tragete ne linjën Vlore- Brindisi.  

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13