Emigranti shqiptar në garë për senatin amerikan, kërkon të rrëzojë senatorin e fuqishëm amerikan të New York-ut në zgjedhjet e 2022

Aleksandër Mici është një emigrant shqiptar në SHBA i rreshtuar krah Republikanëve kërkon të rrëzojë senatorin veteran të New York-ut, Chuck Schumer, udhëheqësin e fuqishëm të shumicës demokratike në zgjedhjet e 2022. Mici, i cili u largua nga Shqipëria në 1991, tha se rritja nën regjimin brutal të Hoxhës ishte një përvojë formuese në jetën e tij dhe kjo është arsyeja pse ai e do Amerikën dhe përçmon socializmin.

Aleksander Mici, 46 vjeç, tha ndërsa Schumer votoi për rritjen e taksave i riktheu atij edhe njëherë idenë sikur po jetonte nën diktaturën komuniste të Enver Hoxhës.

"Unë po vuaja, si miliona shqiptarë, nën një diktaturë tiranike komuniste dhe po luftoja për të arritur në Amerikë. "Dhe tani pothuajse tre dekada më vonë, e kaluara është një prolog: nën udhëheqjen e Chuck Schumer, demokratët ende po bëjnë gjithçka në fuqinë e tyre për të rritur kostot për gjithçka, ndërsa amerikanët e përditshëm luftojnë," tha Mici.

LEXO EDHE:
SHBA/ U jepte doza të larta insuline pacientëve, infermierja dënohet me burgim të përjetshëm

Aleksandër Mici do të nisë zyrtarisht fushatën e tij të enjten, ndërsa Chuck Schumer, një ish kongresmen, po kërkon një mandat të pestë si senator i New York-ut.

Mici avokat i Bronksit ka kandiduar më parë për Këshillin Bashkiak, ku mori 45 % të votave në një zonë me shumicë demokratike.

TAG:
• SHBA
• Senati amerikan
• aleksander mici