Emigranti shqiptar një jetë punë në SHBA dhe i konfiskohen paratë, merret vendimi për 58.000 USD

Rustem Kazazi emigroi drejt Shteteve të Bashkuara me shpresën që një ditë të rikthehej në shtëpi, të shiste banesën e vjetër e të blinte një vilë të vogël në bregdet. Për këtë arsye, së bashku me familjen e tij, punuan e kursyen.

Sakrificat mbërrinin deri aty sa të mos abonoheshin në platforma televizive, e bënin nga tre punë që të linin para mënjanë.

Por vitin e kaluar, kur Rustemi përgatitej të fluturonte drejt Shqipërisë për ta bërë realitet dëshirën e hershme, autoritetet doganore amerikane ia konfiskuan në aeroport shumën e mbledhur me mundim përgjatë këtyre viteve.

LEXO EDHE:
Aktpadi ndaj 11 republikanëve që deklaruan në mënyrë të rreme se Trump i fitoi zgjedhjet në Arizona në vitin 2020

Pas një kalvari të gjatë në dyert e drejtësisë, qeveria amerikane tani ka vendosur t’i kthejë pjesën më të madhe të parave, por për familjen Kazazi, diçka është thyer. “Ajo qe ndodhi ishte tronditese, sepse ne nuk kishim bere asgje te gabuar. Gjerat nuk jane me njesoj tani. Vuajtem shume.”, shprehet Erald Kazazi, djali i Rustemit, raporton 'TCH'.

58.000 dollarë kesh iu morën kryefamiljarit në bazë të atij që njihet si procesi i konfiskimit të aseteve civile, i cili i lejon autoriteteve të sekuestrojnë pasuri atëherë kur dyshojnë se një person mund të ketë siguruar para apo objekte në mënyrë të paligjshme.

Ndjesia e krijuar tek familja Kazazi ishte ajo e fajit pa faj: ke para me vete, pra do e kesh bërë një shkelje. Procesi i konfiskimit është kritikuar nga grupet e të drejtave civile, që thonë se ai lë shteg për abuzim.

TAG:
• SHBA
• emigranti shqiptar
• Rustem Kazazi
• konfiskim pasurie

Sondazhi i ditës:

A ka politika frikë nga SPAK-u?

• Po

  68.1%

• Jo

  27.1%

• Nuk e di

  4.8%

Vota total: 2433

• Sondazhi i ditës:

  A ka politika frikë nga SPAK-u?

  Po Jo Nuk e di