Duke nisur nga viti 2020 për herë të parë qeveria franceze pritet të vendosë sistemin e kuotave për emigrantët në përpjekje për të luftuar emigrimin e paligjshem.
Kryeministri Edouard Philippe tha se ligji do të bazohet tek sistemi i pikëve siç në Kanada apo Australi.
Synimi i këtij ligji është që në bashkëpunim me punëdhënësit në Francë, të identifikohen ato industri ku mungojne kandidate të kualifikuar dhe ku të huajt mund të bëhen pjesë.
![](https://shqiptarja.com/template/img/NO_ALFA_Kuadrate shqiptarja.png)
Muriel Pénicaud, Ministrja franceze e punës tha se një akt i tillë ndërmerret për të mirën e Francës duke punësuar njerëzit bazuar në nevojat që ky vend ka.
Franca në vitin 2018 pati një rekord prej 122,743 kërkesash për azil, 22% më shumë se një vit më parë.
Masat e reja mund të përfshijnë kufizime për migrantët që marrin me vete edhe anëtarët e familjes.
Ligji i ri ndërmerret pak përpara zgjedhjeve lokale në Francë ku e djathta ekstreme e Marine Le Pen vazhdon të jetë një sfidante e fortë për presidentin Macron.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)